Skógræktarfélag Íslands


Skráning í félagið

Verkefnin árið 2017

Helstu verkefni Skógræktarfélags Akraness 2017 má sjá í verkefnaskránni og landbótaáætluninni

(http://www.skog.is/akranes/index.php?option=com_content&;view=article&id=45&Itemid=16).

M.a. er stefnt að fundi fyrir almenning mánudaginn 13. mars kl. 20 í Grundaskóla um útivist á skógræktarsvæðunum.

 

Þrjú stærstu verkefni skógræktarfélagsins á árinu eru að eignast traktor, fá viðbótarland til skógræktar og gróðursetning trjáa.

 

Traktor:

1) Útivist bætir heilsuna. Traktor myndi auðvelda okkur að þjónusta sívaxandi fjölda fólks sem gengur um Slögu og önnur skógræktarsvæði félagsins sér til heilsubótar. Þetta er ekki síst eldra fólk en einnig er töluvert um yngra fólk sem nýtur náttúrunnar þarna.  Leggja þarf stíga, endurbæta aðra og slá stíga, sem þegar eru til, með ruddasláttuvél.  Sjá nánar Landbótaáætlun Skógræktarfélags Akraness 2017.

2) Sjálfbær landnýting. Traktor myndi auðvelda okkar undirbúning lands undir gróðursetningu og endurnýtingu úrgangs eins og hrossaskíts í skógræktinni, kurlun á trjám sem yrði notuð í göngustíga o.fl.. Sjá nánar landbótaáætlunina.

3) Bætt umgengni.  Við þurfum að laga til við Einbúann, fjarlægja ónýtan skúr og fleira drasl og m.a. fá geymslugám fyrir traktorinn sem við fáum vonandi á árinu.

 

Viðbótarland til skógræktar, gróðursetning trjáa:

4) Kraftmikil skógrækt. Við óskum eftir meira skógræktarlandi, bæði í Slögu og við þjóðveginn. Við höfum verið dugleg að gróðursetja og ætlum okkur að verða ennþá duglegri á næstu árum. Sjá ósk okkar um viðbótarland í Slögu:  http://www.skog.is/akranes/attachments/042_Slaga_med_stækkun_2017_med_merkingum_3.jpg

5) Stefnt er að því að gróðursetja jafnmörg eða fleiri tré en í fyrra en þá voru gróðursett 13.784 tré. Þar af voru 3346 birkitré, 597 reynitré, 2775 grenitré, 4275 aspir (meirihlutinn stiklingar), 2084 furur, 670 lerki og 37 af öðrum tegundum (aðallega berja- og ávaxtatré).

 

Skógræktarfélag Akraness| Dalbraut 21 | 300 Akranes | Netfang: jensbb (hjá) internet.is