English website
Jólaskógurinn í Brynjudal lokar að sinni
Mánudagur, 20. desember 2010 09:15

Nú um helgina komu síðustu hópar þessa árs í heimsókn í jólaskóginn í Brynjudal og sáu veðurguðirnir um að það var smá hvítur litur á jörðinni þessa síðustu helgi.  Fengu gestir góðan göngutúr um skóginn í leit að rétta trén og yljandi kakó-sopa að leit lokinni. Einnig sást til nokkurra rauðklæddra og hvítskeggjaðra manna á ferð í skóginum...

Skógræktarfélag Íslands þakkar öllum þeim sem sóttu sér tré í jólaskóginn í Brynjudal fyrir komuna og vonandi sjáum við sem flesta aftur að ári, á ári alþjóðlegur ári skóga!

Hér fyrir neðan má sjá nokkrar myndir frá „vertíð“ þessa árs í Brynjudal.

brynjulok-1
Búin að finna rétta tréð (Mynd: RF).

brynjulok-2
Börnin fá hollar og góðar mandarínur frá þessum jólasvein (Mynd: RF).

brynjulok-3
Jólatrénu pakkað í net (Mynd: RF).

brynjulok-4
Það er alltaf gaman að syngja og dansa með jólasveinunum (Mynd: RF).

brynjulok-5
Varðeldurinn er alltaf vinsæll (Mynd: RF).

brynjulok-6
Jólasveinninn heldur heim á leið (Mynd: RF).