English website
BREYTING: Opið hús skógræktarfélaganna: Nýting belgjurta til að auka frjósemi jarðvegs
Þriðjudagur, 12. apríl 2011 00:00

Annað Opna hús ársins 2011 verður þriðjudagskvöldið 12. apríl og hefst kl. 20:00, í fundarsal á jarðhæð Arion-banka, Borgartúni 19. Gengið er inn um aðaldyr að austanverðu og er salurinn svo á vinstri hönd.

Breyting er á fyrirlestri frá fyrri auglýsingum. Jón Guðmundsson plöntulífeðlisfræðingur mun flytja erindi um nýtingu belgjurta til að auka frjósemi jarðvegs. Hér á landi má nota margar tegundir belgjurta til landbóta í skógrækt og draga með því úr áburðarnotkun, auk þess sem belgjurtirnar geta stuðlað að langvarandi og viðvarandi frjósemisaukningu.

Aðgangur er ókeypis og allir eru velkomnir.


oh-2

(Mynd: RF).