English website
Fréttir
Aðalfundur Skógræktarfélags Borgarfjarðar 2017
Laugardagur, 01. apríl 2017 13:00

Aðalfundur Skógræktarfélags Borgarfjarðar verður haldinn í hátíðarsalnum í Reykholti laugardaginn 1. apríl kl. 13.

Dagskrá aðalfundar

  • Skýrsla stjórnar- og starfsáætlun. Óskar Guðmundsson formaður
  • Reikningar – Laufey Hannesdóttir gjaldkeri.
  • Kosningar
  • Önnur mál
  • Erindi: Vindfall í skógum,Valdimar Reynisson, skógarvörður Skógræktarinnar í Skorradal

Allir velkomnir!

 
Aðalfundur Skógræktarfélags Hafnarfjarðar 2017
Fimmtudagur, 30. mars 2017 20:00

Aðalfundur Skógræktarfélags Hafnarfjarðar verður haldinn í Apótekinu, Hafnarborg, fimmtudaginn 30. mars kl. 20.00. Að loknum venjulegum aðalfundarstörfum verður boðið upp á kaffiveitingar.

Að kaffihléi loknu mun Hannes Þór Hafsteinsson, náttúru- og garðyrkjufræðingur, flytja erindi sem hann nefnir “sígrænar plöntur á Íslandi“. Þar mun hann fjalla um sígræna runna, tré og jurtir sem þrífast við íslenskar aðstæður og gleðja augað árið um kring.

Allir velkomnir. Hægt er að gerast félagi á staðnum. Nánari upplýsingar á heimasíðu félagsins: skoghf.is eða í síma: 555-6455 eða 894-1268 (Steinar). Netfang: skoghf@simnet.is

 
Símkerfi á skrifstofu komið upp
Mánudagur, 27. mars 2017 10:55

Búið er að setja upp nýtt símkerfi á skrifstofu félagsins og því er nú aftur hægt að ná í starfsfólk í gegnum skrifstofunúmerið 551-8150.

 
Skrifstofa Skógræktarfélags Íslands lokuð 23. - 24. mars
Fimmtudagur, 23. mars 2017 00:00

Skrifstofa Skógræktarfélags Íslands verður lokuð dagana 23. - 24. mars, þar sem starfsfólk verður allt á Fagráðstefnu skógræktar í Hörpunni. Skrifstofan opnar svo aftur að venju mánudaginn 27. mars.

 
Námskeið hjá Endurmenntun Landbúnaðarháskóla Íslands
Mánudagur, 27. febrúar 2017 11:10

Nú á vormánuðum eru ýmis áhugaverð námskeið fyrir ræktunarfólk í boði hjá Endurmenntun Landbúnaðarháskóla Íslands.

Má þar meðal annars finna námskeið um húsgagnagerð úr skógarefni, tálgun og trjáfellingar og grisjun með keðjusög.

Upplýsingar um námskeiðin, sem og önnur námskeið sem Landbúnaðarháskólinn stendur fyrir má finna á heimasíðu skólans – www.lbhi.is.

 
Samningur um Opinn skóg
Þriðjudagur, 28. júní 2016 00:00

Undirritaður hefur verið samningur á milli Skógræktarfélags Íslands og Icelandair Group um stuðning til þriggja ára við verkefnið Opinn skóg, en það lýtur að uppbyggingu aðstöðu til útivistar á skógræktarsvæðum. Icelandair Group mun styrkja verkefnið um 4 milljónir króna á ári eða alls 12 milljónir króna á tímabilinu. Nú þegar hafa verið opnaðir fimmtán skógar undir merkjum Opins skógar. Á svæðunum hefur verið komið fyrir útivistaraðstöðu, s.s. skógarstígum, merkingum og leiðbeiningum.

Magnús Gunnarsson formaður Skógræktarfélags Íslands: „Stuðningur Icelandair Group er mikilsverður og gerir skógræktarfélaginu kleift að halda verkefninu áfram af fullum krafti og vinna að viðhaldi og uppbyggingu fleiri svæða. Markmiðið með samningnum er meðal annars að veita almenningi gott aðgengi að skógræktarsvæðunum, og miðla og kynna almenningi alhliða upplýsingar um tré og skóg.“

Björgólfur Jóhannsson forstjóri Icelandair Group segir Skógræktarfélag Íslands hafa unnið ómetanlegt starf við uppbyggingu Íslands um áratugaskeið. „Með því að styrkja skógræktarstarf í landinu sýnum við þakklæti okkar í verki og stuðlum að því að almenningur og ferðamenn hafi greiðan aðgang að skógi á fjölmörgum stöðum um land allt.“

 

samninguros

Samninginn undirrituðu Magnús Gunnarsson, formaður Skógræktarfélags Íslands (t.v.) og Björgólfur Jóhannsson, forstjóri Icelandair Group.


 
Áhugaverð umfjöllun um tré í borgum
Mánudagur, 18. febrúar 2013 11:48

Í þættinum Tilraunaglasinu á Rúv þann 15. febrúar var áhugaverð umfjöllun um mikilvægi trjáa í borgum, en í þættinum er farið vel yfir hin ýmsu jákvæðu áhrif trjágróðurs í þéttbýli. Er tekið dæmi frá Ontario-borg í Kanada, en á heimasíðu skógræktarfélagsins þar má finna ýmsar áhugaverðar staðreyndir um borgartré.

Hlusta má á umfjöllunina á vef Rúv (hér).

 
Símkerfi á skrifstofu liggur niðri - hafið samband í tölvupósti eða farsíma
Þriðjudagur, 14. mars 2017 00:00

Símkerfið á skrifstofu félagsins liggur nú niðri og kemur til með að liggja niðri einhvern tíma. Ef þarf að ná í starfsfólk Skógræktarfélagsins sendið tölvupóst eða hafið samband í farsíma.

Brynjólfur: 820-2113, bj@skog.is
Einar: 891-8643, eg@skog.is
Hrefna: 899-6833, hrefna@skog.is
Jón Ásgeir: 865-3080, jon@skog.is
Ragnhildur: 897-1010, rf@skog.is

 

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>