ataköy escort profilleri escort ataşehir bayan ilanları ataşehir escort resimleri ve bilgileri istanbul escort bayan profil sayfası escort beylikdüzü ilanları antalya escort ilanları beylikdüzü escort profilleri escort antalya profil bilgileri escort kadıköy bayanların resimleri kadıköy escort bayan ilanları escort bayan elit profil ilanları şişli escort modellerin profilleri
English website
ataşehir escort
Fréttir
Skógarganga í Guðmundarlundi
Mánudagur, 27. apríl 2015 00:00

Skógræktarfélag Kópavogs og Umhverfisvið Kópavogsbæjar verða með skógargöngu í Guðmundarlundi mánudaginn 27. apríl kl 17:00.

Farin verður gönguferð um Guðmundarlund og sagt frá því helsta sem er á döfinni í Guðmundarlundi og hjá Skógræktarfélaginu.

Mæting er á bílastæði við Guðmundarlund. Leiðsögumenn verða Friðrik Baldursson, garðyrkjustjóri Kópavogs, og Bragi Michaelsson, formaður Skógræktarfélagsins.

Skógræktarfélagið býður upp á grillaðar pylsur í lok gönguferðarinnar.


Skógræktarfélag Kópavogs og Umhverfissvið Kópavogsbæjar

 
Námskeið um kransagerð úr náttúrulegum efniviði
Fimmtudagur, 23. október 2014 00:00

Skógræktarfélag Reykjavíkur stendur fyrir námskeiði um kransagerð úr náttúrulegum efniviði fimmtudaginn 23. október. Er námskeiðið haldið að Elliðavatni í Heiðmörk, kl. 9:30-16:00.

Sýnikennsla verður í gerð kransa (haustkransa, jólakransa) með efni úr íslenskri náttúru og íslenskum skógum - könglakransar, grenikransar og greinakransar. Þátttakendur fá tækifæri til að binda sína eigin kransa og mega gjarnan koma með eitthvert efni með sér eins og greinar, köngla, mosa, hálmkransa og þess háttar. Einnig er gott að hafa með greinaklippur, skæri og vírklippur ef til eru, sem og límbyssu. Ef tími vinnst til verður sett í litlar jólakörfur, þannig að ef þátttakendur eiga litlar bastkörfur eða potta er um að gera að taka það með. Einnig er mælt með að hafa þunna hanska með, t.d. einnota.

Kennari: Steinar Björgvinsson skógfræðingur og blómaskreytir
Verð: 8.000 kr. Kaffi, bakkelsi og hádegisverður innifalið.

Hámaksfjöldi: 20 manns.

Upplýsingar og skráning fyrir 18. október:
Else Möller else.akur@gmail.com GSM: 867-0527
f.h.Skrf. Rvk saevar@heidmork.is GSM: 893-2655

 
Andlát: Sigurður Blöndal
Miðvikudagur, 27. ágúst 2014 09:50

Sigurður Blöndal, fyrrverandi skógræktarstjóri, lést á Egilsstöðum í gær, þriðjudaginn 26. ágúst, á nítugasta aldursári. Sigurður var ötull talsmaður skógræktar á Íslandi og studdi við skógræktarfélögin með ráð og dáð. Hann var reglulegur gestur á aðalfundum Skógræktarfélags Íslands í áratugi og skrifaði tugafjöld greina í Skógræktarritið, auk þess að vera ritstjóri þess um tíma. Hann var gerður að heiðursfélaga Skógræktarfélags Íslands árið 1989.

Skógræktarfélag Íslands sendir fjölskyldu og vinum Sigurðar sínar innilegustu samúðarkveðjur, með þökk fyrir áratuga langt og gott samstarf.

sblo

(Mynd: JFG)

 
Landgræðsluskógasamningur um Múlastaði undirritaður
Þriðjudagur, 23. febrúar 2016 14:44

Þriðjudaginn 23. febrúar sl. undirrituðu Magnús Gunnarsson, formaður Skógræktarfélags Íslands, og Þröstur Ólafsson, formaður Skógræktarfélags Reykjavíkur, samning um ræktun landgræðsluskóga á jörðinni Múlastöðum í Flókadal í Borgarfirði. Jörðina keypti Skógræktarfélag Reykjavíkur árið 2014.

Múlastaðir er alls um 650 hektarar að stærð og vel fallin til skógræktar. Stefnt er að því að gróðursetja að minnsta kosti 20.000 plöntur árlega. Markmiðið er að landið muni nýtast til framtíðar sem útivistarsvæði fyrir almenning.

 

mulastadir

Magnús Gunnarsson (t.v.), formaður Skógræktarfélags Íslands og Þröstur Ólafsson, formaður Skógræktarfélags Reykjavíkur.

 
Aðalfundur Skógræktarfélags Íslands 2015
Föstudagur, 14. ágúst 2015 00:00

80. aðalfundur Skógræktarfélags Íslands verður haldinn dagana 14. - 16. ágúst og fer fundurinn fram í Hofi á Akureyri, en Skógræktarfélag Eyfirðinga er gestgjafi fundarins að þessu sinni.

Fundurinn hefst að morgni föstudagsins 14. ágúst og stendur fram að hádegi á sunnudaginn. Auk hefðbundinna aðalfundarstarfa verður fimmtándi Opni skógurinn formlega opnaður, skógurinn í Skarðdal á Siglufirði. Auk þess verða flutt fjölbreytt fræðsluerindi og farið í vettvangsferðir í skóglendi í nágrenni Akureyrar.

Aðalfundur félagsins er mikilvægur félagslegur vettvangur fyrir skógræktarfélögin, en þar gefst fundargestum kostur á að hitta nýja og gamla félaga innan skógræktarfélaganna.

Upplýsingar um fundinn má finna hér á heimasíðu félagsins, en auk þess verður hægt að fylgjast með gangi fundarins á Facebook-síðu félagsins.

 
Ljóðagöngur
Fimmtudagur, 16. október 2014 00:00

Ljóðaganga verður haldin í trjásafninu á Hallormsstað á fimmtudagskvöld, 16. október kl. 20. Gangan er liður í dagskrá Litlu ljóðahátíðarinnar í Norðausturríki og er haldin í samvinnu við Skógrækt ríkisins.

Gengið verður um trjásafnið með kyndla. Við ljósið frá þeim og yl frá varðeldi og ketilkaffi verður hlýtt á frumort ljóð. Hulda Sigurdís Þráinsdóttir, Sveinn Snorri Sveinsson, Ingunn Snædal og Stefán Bogi Sveinsson lesa úr verkum sínum.

Einnig verður ljóðaganga sunnudaginn 19. október, í samvinnu við Skógræktarfélag Eyfirðinga. Hún verður haldin kl. 14 í Vaðlaskógi gegnt Akureyri. þar koma fram Bjarki Karlsson, Kristín Eiríksdóttir, Kristian Guttesen og fleiri.

Nánari upplýsingar á heimasíðu Skógræktar ríkisins – www.skogur.is

 
Þemadagur: ræktun jólatrjáa – flokkun og sala
Fimmtudagur, 11. september 2014 00:00

Skógræktarfélag Reykjavíkur, í samstarfi við Else Möller skógfræðing, stendur í ár fyrir röð námskeiða þar sem sérfræðinga fara ofan í saumana á mikilvægum atriðum í ræktun og umhirðu jólatrjáa. Er nú komið að þemadegi tengdum flokkun og sölu trjáa og verður hann haldinn fimmtudaginn 11. september kl.  9:30-16:00, á Elliðavatni í Heiðmörk.

Dagskrá:

Kl. 9:30-10:00 Sala jólatrjáa á Íslandi. Flokkun, gæðamál og söluaðferðir.
Kynning á dagskrá og viðfangsefni dagsins.
Else Möller skógfræðingur. 
Kl. 10:00-10:45 Sala jólatrjáa hjá Skógrækt ríkisins.
Hvernig fer sala jólatrjá fram hjá Skógrækt ríkisins. Flokkun, söluaðferðir og árangur.
Hreinn Óskarsson, skógfræðingur og skógarvörður á Suðurlandi. 
Kl. 10:45-11:00 Kaffi
Kl. 11:00-12:00 Sala íslenskra jólatrjáa hjá Blómavali.
Sölumál tengd íslenskum jólatrjám séð frá sjónarhóli sölumannsins.
Kristinn Einarsson, framkvæmdastjóri hjá Blómavali
Kl. 12:00-13:00 Hádegismatur
Kl. 13:0-13:30 Íslenskt flokkunarkerfi fyrir alla - hvernig á það að vera?
Tillögur til umræðu.
Else Möller skógfræðingur. 
Kl. 13:30-14:00 Kaffi
Kl. 14:00-15:30 Að velja og flokka jólatré fyrir næstu jól.
Hvenær og hvernig förum við að þessu? 
Farið í reiti í Heiðmörk með trjám sem eru tilbúin fyrir sölu og rætt um gæði og flokkun undir leiðsögn Gústafs Jarls Viðarssonar og Sævars Hreiðarssonar. 
Kl. 15:30-16:00 Kaffi og umræður.


Kostnaður fyrir daginn: 10.000 kr.

Upplýsingar og skráning fyrir 8. september:
Else Möller else.akur@gmail.com GSM: 867-0527
f.h.Skrf. Rvk gustafjarl@heidmork.is GSM: 856-0059

 
Skógardagur Norðurlands
Laugardagur, 05. júlí 2014 00:00

Líf og fjör verður í Kjarnaskógi á Akureyri laugardaginn 5. júlí þegar þar verður í fyrsta sinn haldinn Skógardagur Norðurlands. Gestir fá að fræðast um skógrækt og skógarnytjar, sjá skógarhöggsmenn að verki og skoða tækjabúnað þeirra en einnig verður í boði leiksýning, ratleikur, skákmót og fleira.

Það eru Félag skógarbænda á Norðurlandi, Norðurlandsskógar, Skógfræðingafélag Íslands, Skógrækt ríkisins, Skógræktarfélag Eyfirðinga, og gróðrarstöðin Sólskógar sem taka höndum saman um þennan viðburð. Deginum er ætlað að vekja athygli á skógum og skógrækt ásamt því fjölbreytta gagni og nytjum sem af skógunum má hafa.

Dagskráin hefst  kl. 13:00 á leiksýningu fyrir alla fjölskylduna. Frumsýnt verður verk sem verið hefur í undirbúningi síðustu vikur í hópi ungmenna í skapandi sumarstörfum á vegum Akureyrarbæjar. Spennandi verður að sjá útkomuna. Sýningin verður í hlýlegum hvammi skammt frá sólúrinu í Kjarnaskógi, þekktu og áberandi kennileiti þar.

Dagskráin fer öll fram þar í kring, til dæmis skógarhöggssýning þar sem sýnd verða handtökin við skógarhögg og þær vélar og búnaður sem notaður er við skógarhögg með handverkfærum. Sett verður upp sýning sem kallast „Frá fræi til fullunninnar vöru“ þar sem fólk getur áttað sig á umbreytingunni úr pínulitlu fræi yfir í hráefni eins og trjáboli og planka. Einnig verða til sýnis skógarvélar og annar búnaður.

Meðan skipulögð dagskrá stendur yfir (kl. 13:00-16:00) verður hægt að fara í ratleik um Kjarnaskóg og taka þátt í skákmóti og að sjálfsögðu verður logandi eldur og hitað ketilkaffi, steiktar lummur, grillað pinnabrauð og poppað sem er sérlega skemmtilegt að sjá gert yfir eldi úti í skógi.

Allir eru velkomnir á Skógardag Norðurlands við sólúrið í Kjarnaskógi. Gestum er bent á að leggja bílum sínum á aðalbílastæðum við veginn gegnum skóginn og ganga upp eftir ef þess er nokkur kostur.


skogardagurnordurlands
Sólúrið í Kjarnaskógi (Mynd:RF).

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>