ataköy escort profilleri escort ataşehir bayan ilanları ataşehir escort resimleri ve bilgileri istanbul escort bayan profil sayfası escort beylikdüzü ilanları antalya escort ilanları beylikdüzü escort profilleri escort antalya profil bilgileri escort kadıköy bayanların resimleri kadıköy escort bayan ilanları escort bayan elit profil ilanları şişli escort modellerin profilleri
English website
ataşehir escort
Fréttir
Útboð: Skógarplöntur fyrir Skógræktarfélag Íslands
Miðvikudagur, 21. febrúar 2018 10:55

Nýverið var samningur milli Skógræktarfélags Íslands og Umhverfis- og auðlindaráðuneytis um Landgræðsluskóga framlengdur til bráðabirgða um eitt ár. Jafnframt er unnið að framlengingu til lengri tíma í tengslum við  fjármálaáætlun.

Í ljósi þessa hefur plöntuframleiðsla á plöntum til afhendingar vorið 2019 verið boðin út. Nánari upplýsingar um útboðið má finna á heimasíðu Ríkiskaupa: https://www.rikiskaup.is/utbod/utb/20714

 
Fjölskylduskemmtun – Opinn skógur í Brynjudal í Hvalfirði
Laugardagur, 16. september 2017 14:00

Laugardaginn 16. september verður Opinn skógur í Brynjudal í Hvalfirði formlega opnaður.

Icelandair Group er stoltur styrktaraðili Opinna skóga og í tilefni af opnuninni verður hátíðardagskrá með fjölskylduvænni skemmtun. Allir velkomnir!

Svæðið er kjörið berjatínslusvæði auk þess sem hægt er að finna þrautabraut á svæðinu fyrir börn eldri en ca. 10 ára. Fjöldamargar gönguleiðir eru á svæðinu og boðið verður upp á grillaðar pylsur.

Kl. 13:45 Tónlistaratriði
Kl. 14:00 Opinn skógur formlega opnaður.

Ávörp
Jónatan Garðarsson, formaður Skógræktarfélags Íslands

Kl. 14:30 Léttar veitingar
Kl. 15:00 Sirkus Íslands verður með skemmtiatriði fyrir alla aldurshópa
Tálgunarnámskeið (kl. 14:00 - 16:00). Ung börn (6-8 ára) verða að vera í fylgd fullorðinna
Þrautabraut og fleira
Kl. 16:00 Dagskrárlok

Hlökkum til að sjá ykkur!

leidtilbrynjudals

Opinn skógur í Brynjudal er sextándi skógurinn sem opnaður er undir merkjum Opins skógar.

 

 

alt


 
Hvaða jólatré er „grænast?”
Miðvikudagur, 16. nóvember 2011 12:12

Með Fréttablaðinu um síðast liðna helgi fylgdi sérblað með góðum ráðum um græn jól. Var þar meðal annars ágætis umfjöllun um mismunandi gerðir jólatrjáa sem hafa verið á markaði hér – gervijólatré og lifandi tré, bæði íslensk og innflutt – og hversu „græn“ þau eru.

Megin niðurstaðan er sú að íslensk jólatré hafa yfirburði fram yfir innflutt tré þegar horft er til efna- og orkunotkunar og nota þarf gervijólatré úr plasti í um 20 ár til að það nái lifandi jólatré umhverfislega séð.

Greinina í heild má lesa hér í tengli (pdf).

 
Aðalfundur Skógræktarfélags Mosfellsbæjar 2019
Þriðjudagur, 09. apríl 2019 20:00

Skógræktarfélag Mosfellsbæjar mun halda aðalfund sinn þriðjudaginn 9. apríl kl. 20:00 í sal Björgunarsveitarinnar Kyndils í Mosfellsbæ, Völuteigi 23.

Dagskrá:

• Venjuleg aðalfundarstörf:

1. Kosning fundarstjóra

2. Skýrsla stjórnar 2018

3. Reikningar félagsins 2018

4. Ákvörðun um félagsgjöld 2019

5. Stjórnarkjör

• Kynning á nýrri vefsíðu félagsins

• Önnur mál


Kaffiveitingar í boði félagsins


Reynir Kristinsson stjórnarformaður Kolviðar mun halda erindi þar sem hann mun fjalla almennt um Kolvið og framtíðarsýn.

 
Jólatrjáasölur skógræktarfélaganna helgina 15. - 16. desember
Fimmtudagur, 13. desember 2018 15:25

Það eru ýmis skógræktarfélög sem verða með jólatré til sölu næstu helgi. Nánari upplýsingar á www.skog.is/jolatre

Skógræktarfélag Akraness, í Slögu á sunnudaginn kl. 12-15. Sjá einnig: http://www.skog.is/akranes/

Skógræktarfélag Austur-Húnvetninga, að Gunnfríðarstöðum á sunnudaginn kl. 11-15.

Skógræktarfélag Árnesinga, á Snæfoksstöðum báða dagana kl. 11-6. Sjá einnig: http://www.skogarn.is/jolatrjaasalan-snaefoksstodum-2018/

Skógræktarfélag Eyfirðinga, í Laugalandsskógi báða dagana kl. 11-15.

Skógræktarfélag Garðabæjar, í Smalaholti á laugardaginn kl. 12-16. Sjá einnig: http://www.skoggb.is/

Skógræktarfélag Hafnarfjarðar, í Þöll við Kaldárselsveg, báða dagana kl. 10-18 og virka daga kl. 9-18. Sjá einnig: http://skoghf.is/

Skógræktarfélag Ísafjarðar, í reit ofan Bræðratungu á laugardaginn kl. 13-15.

Skógræktarfélag Mosfellsbæjar, í Hamrahlíð báða dagana kl. 10-16. Sjá einnig: https://sites.google.com/site/skogurmosi/

Skógræktarfélag Rangæinga, í Bolholti laugardaginn kl. 13-16.

Skógræktarfélag Reykjavíkur, á Jólamarkaði í Heiðmörk báða dagana kl. 12-17 og í Jólaskóginum á Hólmsheiði báða dagana kl. 11-16. Sjá einnig: http://heidmork.is/

Skógræktarfélag Skilmannahrepps, í Álfholtsskógi á laugardaginn kl. 13-15:30.

Fossá skógræktarfélag, á Fossá í Hvalfirði, báða dagana kl. 10-16.

 
Fræðsluerindi – Trjágarðurinn í Deild í Fljótshlíð
Þriðjudagur, 17. apríl 2018 19:30

Skógræktarfélag Reykjavíkur, Garðyrkjufélag Íslands og Trjáræktarklúbburinn standa sameiginlega fyrir fræðsluerindi um ræktun trjáa og blómstrandi gróðurs undir heitinu Trjágarðurinn í Deild í Fljótshlíð. Þar hefur Sveinn Þorgrímsson og fjölskylda hans stundað ræktunarstarf í nærri 25 ár á gömlum túnum á skjóllausu landi. Sveinn hefur ritað um ræktunarstarfið í Skógræktarritið og Garðyrkjuritið og hefur árangur starfsins vakið eftirtekt áhugafólks um ræktun. Í erindinu verður farið yfir ræktunarsöguna og fjallað um hvað best dugði til að byggja upp skjól og síðan blómstrandi tegundir í skjóli þess. Nú eru um 300 tegundir og klón af trjám og runnum í ræktun í Deild og verður fjallað um tegundaval með áherslu á tegundir sem ekki eru algengar í almennri ræktun en ástæða er fyrir áhugafólk um ræktun að reyna.

Fundurinn verður haldinn þriðjudaginn 17. apríl í húsnæði Garðyrkjufélags Íslands að Síðumúla 1 (gengið inn Ármúlamegin) og hefst hann kl. 19:30.

 
Íslendingar mjög hlynntir skógrækt
Fimmtudagur, 12. apríl 2018 09:18

Vilja að skógrækt verði nýtt sem vopn í baráttunni við loftslagsbreytingar

Langflestir landsmenn eru mjög jákvæðir fyrir skógrækt og þeim fjölgar sem telja að auka beri skógrækt til að binda koltvísýring og hamla gegn loftslagsbreytingum. Jákvæðastir mælast ungir Íslendingar, háskólamenntaðir og íbúar nágrannasveitarfélaga Reykjavíkur.

Gallup gerði netkönnun dagana 8.-21. mars þar sem spurt var tveggja spurninga um skógrækt. Þessar tvær spurningar voru samhljóða tveimur spurningum úr viðamikilli könnun á viðhorfum landsmanna til skógræktar sem Gallup lagði fyrir þjóðina árið 2004. Að könnuninni nú standa Skógræktin, Skógræktarfélag Íslands og Landssamtök skógareigenda.

Spurningarnar sem spurt var nú voru þessar:

Spurning 1. Telur þú að skógar hafi almennt jákvæð eða neikvæð áhrif fyrir landið?
Spurning 2. Hversu mikilvægt eða lítilvægt finnst þér að binda kolefni í skógum?

Landsmenn jákvæðir sem fyrr

Í stuttu máli gefa svörin til kynna mjög svipaðar niðurstöður og í könnuninni 2004. Langflestir eru jákvæðir þótt heldur fleiri hafi fallið í jákvæðasta flokkinn 2004 en nú. Samanlagt eru mjög jákvæðir og frekar jákvæðir þó álíka margir og voru 2004.

Athyglisvert er hins vegar að sjá að þeim sem voru neikvæðir fækkar marktækt þegar kemur að spurningunni um bindingu kolefnis. 7,3% svarenda voru neikvæðir fyrir slíkum hugmyndum 2004 en aðeins 3,1% nú. Stuðningur við aukna skógrækt til kolefnisbindingar hefur samkvæmt því aukist meðal þjóðarinnar.

Ef litið er til þjóðfélagshópa mælist lítill munur í könnuninni nú. Þó er ungt fólk, háskólamenntaðir og fólk búsett í nágrannasveitarfélögum höfuðborgarinnar heldur jákvæðara gagnvart skógum en aðrir landsmenn.

Nær enginn telur áhrifin mjög neikvæð

Ef litið er nánar á tölurnar telja 62% svarenda að skógar hafi almennt mjög jákvæð áhrif fyrir landið og 31% telur að áhrifin séu frekar jákvæð. Samanlagt telja því 93% svarenda að skógrækt hafi almennt jákvæð áhrif fyrir landið. 5,4% eru hlutlaus en aðeins 0,1% telur áhrifin mjög neikvæð.

Svipaða sögu segja svörin við spurningunni um kolefnisbindinguna. Aðspurð segja 51,6 prósent svarenda mjög mikilvægt að binda kolefni í skógum og 35% frekar mikilvægt. Hlutlausir eru 10,3% (hvorki né) og einungis 3% telja þetta frekar eða mjög lítilvægt. Ef tölurnar nú eru bornar saman við könnunina 2004 kemur í ljós að þeim sem telja kolefnisbindingu með skógrækt frekar eða mjög lítilvæga hefur fækkað að mun, úr 7,9% í 3,1%. Samtals telja 86,6% svarenda að þetta sé frekar eða mjög mikilvægt en sambærileg tala frá 2004 var 83,8% sem er innan skekkjumarka.

Unga fólkið jákvæðast

Nokkur munur sést eftir búsetu á fjölda þeirra sem telja skógrækt mjög jákvæða og að kolefnisbinding með skógrækt sé mjög mikilvæg. Mestur stuðningur við skógrækt er í nágrannasveitarfélögum Reykjavíkur þar sem 70% telja skógrækt mjög mikilvæga á móti 64% í Reykjavík og 54% í öðrum sveitarfélögum landsins. Eindreginn stuðningur við skógrækt eykst eftir því sem menntun fólks er meiri og eins eru ungir Íslendingar á aldrinum 18-34 ára hlynntastir skógrækt af öllum landsmönnum.

Í úrtakinu nú voru 1.450 manns af öllu landinu, 18 ára og eldri, handahófsvaldir úr viðhorfahópi Gallups. Alls svöruðu 814 manns spurningunum tveimur en 636 svöruðu ekki. Þátttökuhlutfallið er því 56,1 prósent. Helmingur þátttakenda var spurður fyrri spurningarinnar á undan og hinn helmingurinn seinni spurningarinnar á undan. Ekki sást munur á meðaltölum eftir röðun spurninganna.

 
Jólatrjáasölur skógræktarfélaganna síðustu daga fyrir jól
Miðvikudagur, 13. desember 2017 14:13

Það eru enn nokkur skógræktarfélög sem verða með jólatré til sölu nú síðustu daga fyrir jól. Nánari upplýsingar á www.skog.is/jolatre.

Skógræktarfélag Árnesinga, á Snæfoksstöðum dagana 21. – 23. desember, kl. 11-16.

Skógræktarfélag Eyrarsveitar, fram á Þorláksmessu.

Skógræktarfélag Hafnarfjarðar, í Þöll við Kaldárselsveg dagana 18. – 22. desember kl. 10-18.

Skógræktarfélag Mosfellsbæjar, í Hamrahlíð alla daga til jóla kl. 12-18.

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>