Jólatrjáasala Skógræktarfélags Akraness verður í Slögu sunnudagana 15. og 22. desember kl. 12-15.

Fólk getur valið sér tré í samráði við félagsmenn sem verða á staðnum og aðstoða. Gott er að hafa með sér sög (félagsmenn verða einnig með verkfæri). Athugið að trjám er ekki pakkað í net og því er best að vera með kerru. Tré verða keyrð heim til fólks á Akranesi fyrir þá sem þess óska.

Leiðin upp í Slögu: ekið sömu leið og þegar ganga skal á Akrafjallið (fram hjá Gámaþjónustunni), beygt í áttina að Moldartippum og ekið þaðan að neðra bílastæðinu við Slögu.

Trén eru langflest sitkagreni og blágreni. Trén þarf að staðgreiða (engir kortaposar!).

Verð jólatrjáa:
Tré að 1,5 metra: 5.000 kr.
Tré 1,5 – 2 metrar: 7.000 kr.
Tré 2 – 2,5 metrar: 9.000 kr.
2,5 – 3 metrar: 12.000 kr.
3 – 4 metrar: 18.000 kr.

Nánari upplýsingar má fá í síma 861-1404 (Katrín) og 899-7328 (Bjarni), á heimasíðu félagsins: https://www.skogak.com/  og á Facebook: https://www.facebook.com/groups/326273417742172/

skakraness