Að venju verður opið hús í Garðyrkjuskólanum – Starfsstöð Landbúnaðarháskóla Íslands – á sumardaginn fyrsta, 19. apríl, kl. 10-18. Hægt er að heimsækja hitabeltið í bananahúsinu og pottaplöntusafnið, ýmsar veitingar, grænmeti, blóm og trjáplöntur verða til sölu og fara á sýningu í skólastjórabústaðnum.
Eftir hádegið er hátíðardagskrá þar sem afhent verða Garðyrkjuverðlaun LbhÍ, Umhverfisverðlaun Hveragerðisbæjar og Umhverfisverðlaun Ölfuss.
