ataköy escort profilleri escort ataşehir bayan ilanları ataşehir escort resimleri ve bilgileri istanbul escort bayan profil sayfası escort beylikdüzü ilanları antalya escort ilanları beylikdüzü escort profilleri escort antalya profil bilgileri escort kadıköy bayanların resimleri kadıköy escort bayan ilanları escort bayan elit profil ilanları şişli escort modellerin profilleri
English website
ataşehir escort
Fréttir
Heimsókn til Landgræðslu ríkisins
Föstudagur, 24. júní 2011 11:00

Þann 22. júní  hélt stjórn Skógræktarfélags Íslands stjórnarfund í Gunnarsholti og kynnti sér starfsemi Landgræðslunnar. Starfsmenn stofnunarinnar, þeir Guðmundur Stefánsson sviðstjóri og Kjartan Már Benediktsson umsjónarmaður tóku á móti stjórnarmönnum og sögðu frá starfseminni.


Á myndinni má sjá stjórnarmenn ásamt starfsmönnum Landgræðslunnar skoða tilraunverkefni þar sem ræktaður er loðvíðir og umfeðmingur ásamt fleiri niturbindandi tegundum sem hjálpa víðinum að komast á legg.

stjornarfundur

Frá vinstri: Guðbrandur Brynjúlfsson, Magnús Gunnarsson, Aðalsteinn Sigurgeirsson, Sigríður Heiðmundsdóttir, Gísli Eiríksson, Kjartan Már Benediktsson, Guðmundur Stefánsson og Páll Ingþór Kristinsson (Mynd: BJ).

 
Opið hús skógræktarfélaganna - Skógarferð til Noregs
Þriðjudagur, 09. febrúar 2010 00:00

Fyrsta Opna hús ársins 2010 verður þriðjudagskvöldið 9. febrúar og hefst kl. 20:00, í fundarsal á jarðhæð Arion-banka, Borgartúni 19. Gengið er inn um aðaldyr að austanverðu og er salurinn svo á vinstri hönd.

Brynjólfur Jónsson og Johan Holst munu segja í máli og myndum frá skógarferð til Noregs,  sem Skógræktarfélag Íslands stóð fyrir síðasta haust, en hún var farin í tilefni þess að 60 ár voru liðin frá því Skógræktarfélag Íslands stóð fyrst fyrir fræðsluferð á erlenda grundu.

Ferðasagan verður rakin og fjallað um skóga, trjátegundir og skógarnytjar, en Norðmenn eru mikil skógaþjóð. Undanfarin ár hefur Skógræktarfélagið staðið fyrir vinsælum kynnisferðum til annarra landa. Þetta hafa verið fjölsóttar ferðir, þar sem leið ferðalanga liggur oft um óhefðbundnar slóðir, fela í sér mikla náttúruskoðun og góða leiðsögn

Aðgangur er ókeypis og allir eru velkomnir.

oh-noregur
Firðir, skógar og hefðbundin hús í Noregi (Mynd: RF).

 
Skógardagurinn mikli 2011
Föstudagur, 24. júní 2011 00:00

Skógardagurinn mikli, árleg skógarhátíð Félags skógarbænda á Austurlandi, Barra, Héraðs- og Austurlandsskóga, Skógræktarfélags Austurlands og Skógræktar ríkisins, verður haldinn í Mörkinni í Hallormsstaðaskógi í lok júní.

Dagskrá:
Föstudagur 24. júní
19:00 Landssamtök sauðfjárbænda ásamt sauðfjárbændum á svæðinu bjóða gestum og gangandi að smakka grillað lambaket.

Laugardagur 25. júní – Þessi skemmtilegi dagur!
10:00 Perlu-ganga frá Hússtjórnarskólanum á Hallormsstað upp í Bjargselsbotna undir stjórn Hjördísar Hilmarsdóttur
12:00 Skógarhlaupið, 14 km um erfiða skógarstíga.
12:30 Skemmtiskokk fjölskyldurnar, 4 km sem allir geta tekið þátt í

Formleg dagskrá hefst í Mörkinni kl. 13:00
- Íslandsmótið í skógarhöggi
- Pjakkur og Petra taka skógardagslagið
- Heilgrillað Héraðsnaut borið fram af skógarbændum
- Skátarnir sjá um skógarþrautir fyrir unga og aldna
- Ingó Veðurguð tekur lagið
- Pylsur í hundraðavís, ketilkaffi og lummur að hætti skógarmanna
- Hinn eini sanni Bjartmar Guðlaugsson tekur lagið
- Verðlaunaafhending í Skógarhlaupinu
- Íslandsmeistarinn í skógarhöggi krýndur
17:00 Allir fara heim saddir og kátir

Skógardagurinn mikli á Facebook!

skogardagurinn

 
Ráðstefna um landnotkun
Fimmtudagur, 28. janúar 2010 00:00

Ráðstefna um landnotkun verður haldin á Hótel Selfossi, fimmtudaginn 28. janúar 2010. Ráðstefnan er haldin í samvinnu Rannsókna- og fræðaseturs HÍ á Suðurlandi og Háskólafélags Suðurlands. Markmið með ráðstefnunni er að ræða landnotkunarmál á breiðum faglegum grunni en landnotkun er margslunginn málaflokkur þar sem einstök málefni eru oftar rædd í einangrun. Landnotkun skiptir alla máli og hefur grundvallaráhrif á flesta þætti mannlífsins, svo sem búsetu, matvælaframleiðslu og frístundir. Tekist hefur að ná saman einvalaliði fyrirlesara sem ræða munu um landnotkun í fjórtán 20 mínútna fyrirlestrum. Fyrirlestrar skiptast í tvo flokka. Sá fyrri varðar ramma landnýtingar, bæði manngerðan líkt og lögfræði og skipulagsmál en einnig dreifingu grunnauðlinda, vatns og jarðvegs. Seinni hlutinn er þematengdur en þar verður gerð grein fyrir viðamestu flokkum landnotkunar, svo sem orkuvinnslu, ræktun og búsetu.

Svandís Svavarsdóttir umhverfisráðherra mun setja ráðstefnuna og Atli Harðarson heimspekingur mun greina hismi frá kjarna í lokin.

Ráðstefnan hefst kl. 9 með afhendingu ráðstefnugagna og áætlað er að henni muni ljúka um kl. 17.

Ráðstefnugjald er 7500 kr. en 3500 kr. fyrir námsmenn. Hádegisverður og kaffitímar innifaldir.

Dagskrá og nánari upplýsingar hér.

 
Um 200 ungmenni fá vinnu við skógrækt
Miðvikudagur, 15. júní 2011 17:11
Um 200 ungmenni fá vinnu við skógrækt í Kópavogi og Garðabæ í sumar en samningar um störfin voru undirritaðir á Smalaholti í Garðabæ og í Guðmundarlundi í Kópavogi miðvikudaginn 8. júní. Verkin verða unnin á svæðum í umsjá Skógræktarfélags Garðabæjar og Skógræktarfélags Kópavogs. Skógræktarverkefnin eru liður í atvinnuátaki Skógræktarfélags Íslands og skógræktarfélaga og sveitarfélaga um land allt. Samanlagt nema verkefnin í Garðabæ og Kópavogi hátt í 30 ársverkum og eru þetta stærstu einstöku verkefnin sem unnin verða í nafni atvinnuátaks Skógræktarfélags Íslands. Þegar hafa verið undirritaðir samningar um 45 ársverk um land allt og er vonast til að samningar náist um að minnsta kosti 60 ársverk á þessu ári.

Undanfarin tvö ár hefur Skógræktarfélag Íslands staðið fyrir atvinnuátaksverkefni í samstarfi við samgönguráðuneytið (nú innanríkisráðuneytið), staðbundin skógræktarfélög, sveitarfélög og Vinnumálastofnun.

Árangurinn af átakinu hefur verið góður og í nafni þess hefur verið unnið að mörgum brýnum verkefnum á skógræktarsvæðum um land allt. Um leið hefur tekist að skapa fjölda atvinnulausra og námsmanna vel þegna vinnu á einhverjum mestu atvinnuleysistímum sem þjóðin hefur upplifað.
atvinnuatak1
Magnús Gunnarsson, formaður Skógræktarfélags Íslands, Gunnar Einarsson, bæjarstjóri Garðabæjar og Barbara Stanzeit, gjaldkeri Skógræktarfélags Garðabæjar í góðum félagsskap ungmenna sem vinna við skógrækt á svæðum Skógræktarfélags Garðabæjar í sumar.
atvinnuatak2

Friðrik Baldursson, garðyrkjustjóri Kópavogs, Guðrún Pálsdóttir bæjarstjóri Kópavogs og Magnús Gunnarsson, formaður Skógræktarfélags Íslands, virða fyrir sér skógarplöntur sem gróðursettar verða í atvinnuátakinu í sumar.
 
Jólafundur Skógræktarfélags Kópavogs
Fimmtudagur, 10. desember 2009 00:00

Jólafundur Skógræktarfélag Kópavogs verður fimmtudaginn 10. desember kl. 20 í Safnaðarheimili Kópavogskirkju (nýja safnaðarheimilið á móti Gerðarsafni).

 

Dagskrá:

1. Félagið: Formaður segir frá því helsta í starfsemi Skógræktarfélagsins.
2. Fyrirlestur: Birki nemur land á Skeiðarársandi.

Fyrirlesarar: Þóra Ellen Þórhallsdóttir, Líffræðistofnun Háskóla Íslands og Kristín Svavarsdóttir, Landgræðslu ríkisins.

3. Happdrætti - 10 jólatré frá Fossá í vinning.
4. Önnur mál.

Veitingar. Allir velkomnir.

Kynning/útdráttur fyrirlestursins:
Skeiðarársandur er líklega stærsti virki jökulsandur jarðar og í huga flestra er hann gróðurlítil sandauðn sem ár og jökulhlaup flæmast yfir. Hlutar hans eru nú í örri framvindu og birki hefur numið land á talsvert stóru svæði á ofanverðum sandinum. Þorri stofnsins virðist hafa vaxið upp eftir 1990. Rannsóknir á birkinu á Skeiðarársandi hófust árið 2004. Þá náði meðalhæð plantna hvergi 25 cm og innan við 3% stofnsins báru rekla, oftast aðeins örfáa á hverri plöntu. Sennilega hefur allt birkið þá verið fyrsta kynslóð landnema. Fjórum árum síðar hafði stofninn tekið stakkaskiptum. Hæð hæstu plöntu hafði hækkað um allt að hálfum metra, 14% plantnanna blómguðust sumarið 2008 og fræmyndun var miklu meiri. Hæstu tré á Skeiðarársandi hafa nú náð yfir 2 m hæð. Frægæði hafa hins vegar verið léleg, aðeins 0,6% af uppskeru ársins 2008 spíruðu en spírun fræja frá því í ár er heldur betri.

 
Vormarkaður á Elliðavatni
Föstudagur, 13. maí 2011 00:00

Skógræktarfélag Reykjavíkur heldur Vormarkað á Elliðavatni í annað sinn dagana 13.-15. maí næstkomandi. Föstudaginn 13. maí verður opið kl. 15-18, en kl. 10-18 laugardag og sunnudag.

Félag trérennismiða verður með stóra sölusýningu í Gamla salnum og rekur auk þess kaffistofu á staðnum. Þá verða þeir með sýnikennslu á Hlaðinu eins og í fyrra.

Á laugardag verður hestaleiga fyrirtækisins Íslenski hesturinn, þar sem teymt er undir börnum í gerði við bæinn kl. 11-13. Þá verður kynning á stafgöngu á vegum ÍSÍ eftir hádegi og síðdegis verður síðan Vorblót að Vatni á vegum Ásatrúarmanna, sem bjóða öllum að fagna gróandanum með sér.

Fuglavernd og Ferðafélag Íslands verða með kynningu á starfseminni og bjóða fólki í fræðslugöngur á meðan á Vormarkaðnum stendur. Á föstudag verður kennsla í fluguhnýtingum. Á laugardag býðst fólki að kasta flugu með leiðsögn og á sunnudeginum verður síðan kastkeppni á túninu neðan við bæinn.

Gámaþjónustan býður öllum upp á ókeypis moltu í garðinn -og ekki má gleyma Skógræktarfélaginu sem hefur til sölu eldivið, bolvið og kurl og einnig munu skógarmenn sýna nýjustu vélarnar að störfum á laugardeginum.

 
Málþing um loftslagsmál og úrlausnir
Miðvikudagur, 11. nóvember 2009 00:00

Kolviður og REYST standa að málþingi um loftslagsmál á loftslagsdeginum 11. nóvember kl. 8:30-12:00, í húsi Orkuveitu Reykjavíkur, Bæjarhálsi 1.

Á málþinginu verða fræðandi erindi um loftslagsvandann en einnig verður sjónum beint að bindingu kolefnis í gróðri, jarðvegi og bergi, kolefnismörkuðum og möguleikum Íslendinga á því sviði, og hvað sé framundan í loftslagsmálum. 

 malthing-loftslagsmal

 
<< Fyrsta < Fyrri 41 42 43 44 45 46 47 48 49 50 Næsta > Síðasta >>