Fulltrúafundur skógræktarfélaganna verður haldinn laugardaginn 5. apríl í skemmunni hjá Skógræktarfélags Árnesinga að Snæfoksstöðum í Grímsnesi kl. 10-16.
Meginefni fundar er stefnumótun fyrir Skógræktarfélag Íslands. Nánari dagskrá síðar.
Mánudagskvöldið 24. mars kl. 20 býður Skógræktarfélag S-Þingeyinga til erindis í Breiðumýri þar sem Úlfur Óskarsson, sérfræðingur hjá Landi og skógi, fjallar um Skógarkolefni og loftslagsmálin.
Fyrirlesturinn er ætlaður öllum er hafa áhuga á skógrækt, sem og skógarbændum og ræktendum.
Allir velkomnir.
Aðalfundur Skógræktarfélags Garðabæjar 2025 verður haldinn mánudaginn 24. mars kl. 20:00 í Safnaðarheimilinu Kirkjuhvoli.
Auk hefðbundinna aðalfundarstarfa mun Aðalsteinn Sigurgeirsson skógfræðingur og sérfræðingur hjá Landi og skógi fjalla um upplýsingaóreiðu um skógrækt.
Allir hjartanlega velkomnir!
Aðalfundur Skógræktarfélags Bíldudals verður haldinn fimmtudaginn 20. mars kl 18.00 à Vegamótum. Á dagskrá eru venjuleg aðalfundarstörf.
Allir velkomnir.
Skógræktarfélag Íslands stendur fyrir röð fræðslufunda nú í febrúar og mars. Fundirnir verða haldnir í salarkynnum Arion banka að Borgartúni 19 og hefjast kl. 19:30.
25. febrúar – Framandi og ágengt birki í íslenskri náttúru – pælingar, kynbætur og árangur
Fyrsta erindið mun Þorsteinn Tómasson plöntuerfðafræðingur halda. Þorsteinn hefur í áratugi unnið að plöntukynbótum í þágu landbúnaðar, skógræktar og garðyrkju. Hann hefur eftir farsæla starfsævi unnið í sjálfboðavinnu að kynbótum á íslensku ilmbjörkinni undir yrkisheitunum Embla og Kofoed en hefur auk þess víxlað við aðrar birkitegundir frá norðurslóðum og þróað vaxtarmikil yrki, m.a. undir heitunum Hekla og Dumba.
Þorsteinn er heiðursfélagi Skógræktarfélags Íslands, orðuhafi hinnar íslensku fálkaorðu og fyrrum forstjóri Rannsóknastofnunar landbúnaðarins.
5. mars – Faðir minn átti fagurt land
Gísli Gestsson, kvikmyndagerðarmaður og heiðursfélagi Skógræktarfélags Íslands, mun sýna myndina „Faðir minn átti fagurt land“ frá 1968, sem hann gerði í samvinnu við Hákon Bjarnason skógræktarstjóra. Einnig mun hann sýna úrval mynda sem hann, ásamt Valdimar Jóhannessyni, gerðu fyrir Átak um Landgræðsluskóga árið 1990, m.a. „Silfur hafsins – gullið í dalnum“ þar sem Jóhann Þorvaldsson, kennari og síðar skólastjóri á Siglufirði, hélt inn í dal að gróðursetja tré með börnunum, hvað sem síldinni leið.
13. mars – Skógar Bretagne. Hápunktar úr fræðsluferð Skógræktarfélags Íslands haustið 2024
Elisabeth Bernard og Ragnhildur Freysteinsdóttir segja í máli og myndum frá ferðalagi til Bretagne-skagans í Frakklandi síðasta haust, þar sem skoðuð voru tré í skógum og görðum og fræðst um skógrækt svæðisins.
Elisabeth og Ragnhildur eru báðar starfsmenn Skógræktarfélags Íslands. Elisabeth er mannfræðingur að mennt og var fararstjóri ferðarinnar en farið var að hluta til um hennar heimaslóðir og nýttist þekking hennar vel í ferðinni. Ragnhildur er umhverfisfræðingur og var hún óformlegur ritari ferðarinnar, en ferðasagan sem hún tók saman verður birt í 1. tbl. Skógræktarritsins 2025.
Öll velkomin! Hressing í boði í hléi.
Skógræktarfélag Íslands er með laus til leigu 4 – 5 skrifborð í opnu skrifstofurými á annarri hæð í Þórunnartúni 6,105 Reykjavík. Hentar mjög vel fyrir einyrkja eða lítið fyrirtæki. Borðin leigjast öll saman eða í sitt hvoru lagi eftir því sem hentar. Stærð alls rýmisins er ca. 40 fm.
Innifalið í leigu er stórt upphækkanlegt skrifborð, skrifborðsstóll og læsanlegur skápur til að geyma í gögn. Ræsting á skrifstofu og sameign, hiti og rafmagn er einnig innifalið í leigunni ásamt interneti.
Leigutaki hefur einnig aðgang að sameiginlegu rými og funda- og kaffiaðstöðu.
Áhugasamir hafi samband á netfangið skog@skog.is
The Tree of the year 2024 is a Scots pine in Varmahlíð and this is the first time a Scots pine has been nominated. The tree stands in forest stand cultivated by the Skagafjörður Forestry Association and was most likely planted sometime between 1940 and 1943. Other Scots pines can also be found in the stand, but Scots pine is a fairly rare species in Iceland. Quite a lot of it was planted in Iceland 1950-1970, but those plantings were devastated by the introduction of the pine woolly aphid and planting Scots pine largely stopped after 1970. A nomination ceremony was held in September 2024 and the tree, as is tradition, measured at the time. The tree turned out to be 13,9 m in height, with a trunk circumference of 30,5 cm at chest height.
Location on Google Maps: https://maps.app.goo.gl/tY2U3YiTSSPqqy5VA
Garðyrkjuskólinn býður upp á ýmis námskeið sem áhugaverð geta verið ræktunarfólki. Má sérstaklega benda á námskeið um trjáfellingar og grisjun með keðjusög sem haldið er á Hólum í Hjaltadal í maí. Nánari upplýsingar um námskeið í boði má finna á: https://www.fsu.is/is/namid/gardyrkjuskolinn-reykjum/gardyrkjuskolinn-namskeid
The Forestry Encouragement Award will be awarded for the second time on the International Day of Forests, 21st of March. The Award will be given annually to individuals, groups, companies, associations or institutions that have carried out selfless work in the interests of forestry in Iceland.
The award is presented by the Icelandic Forestry Association, Land and Forest and the Icelandic Farmers Association.
The deadline for nominations is February 14th. The nomination can be completed on the website of the Icelandic Forestry Association: https://www.skog.is/hvatningarverdlaun-skograektar/
If you know a person or people who are doing really good things within forestry and deserve encouragement – please submit a nomination!
Hvatningarverðlaun skógræktar verða veitt í annað sinn á alþjóðlegum degi skóga, þann 21. mars næst komandi. Þau eru veitt árlega til einstaklinga, hópa, fyrirtækja, félaga eða stofnana sem unnið hafa óeigingjarnt starf í þágu skógræktar á Íslandi.
Að verðlaununum standa Skógræktarfélag Íslands, Land og skógur og Bændasamtök Íslands.
Tilnefningafrestur er til 14. febrúar. Tilnefningu má fylla út á heimasíðu Skógræktarfélags Íslands: https://www.skog.is/hvatningarverdlaun-skograektar/
Ef þú þekkir einhvern eða einhverja sem eru að standa sig vel í skógrækt og eiga hvatningu skilið – endilega senda inn tilnefningu!
Nýlegar athugasemdir