Mánaðarlega Skjalasafn

maí 2009

Skógræktarfélag Dalasýslu

Með Skógræktarfélög

Skógræktarfélag Dalasýslu var stofnað árið 1948 og eru félagsmenn um 40. Formaður er Jóhanna B. Jóhannsdóttir.

Hafið samband:
Jóhanna B. Jóhannsdóttir
Magnússkógum
371 Búðardalur

Sími (heima): 434-1258

Reitir
Gröf í Miðdölum, Þverfellshlíðareitur

Skógræktarfélag Borgarfjarðar

Með Skógræktarfélög

Skógræktarfélag BorgarfjarðarSkógræktarfélag Borgarfjarðar var stofnað árið 1938 og eru félagsmenn um 150. Formaður er Óskar Guðmundsson. Framkvæmdastjóri í hlutastarfi er Friðrik Aspelund.

Hafið samband:
Óskar Guðmundsson
Véum
320 Reykholt

Sími (GSM):862-2583
Netfang: oskarg (hjá) simnet.is

Friðrik Aspelund
Túngötu 26
311 Borgarnes

Sími (GSM): 893-7306
Netfang: fridrik (hjá) sviri.is 

Fésbókarsíða: https://www.facebook.com/skograektarfelagborgarfjardar?fref=ts
Netfang: skogborg (hjá) gmail.com

Reitir
Daníelslundur við Svignaskarð, Einkunnir við Borgarnes, Grafarkot, Reykholt

Fulltrúafundur 2009

Með Fulltrúafundir

Árið 2008 var tekið upp nýtt fyrirkomulag fyrir fulltrúafund skógræktarfélaganna, á þann hátt að í stað eins fundar í Reykjavík voru nokkrir fundir haldnir úti á landi. Voru haldnir fundir á Norðurlandi, Vesturlandi og Suðurlandi árið 2008 og var hringnum um landið lokað með fulltrúafundi á Austurlandi árið 2009.

Fulltrúafundur skógræktarfélaganna á Austurlandi var haldinn á Hótel Héraði á Egilsstöðum laugardaginn 21. mars. Fundurinn hófst með ávarpi Magnúsar Gunnarssonar, formanns Skógræktarfélags Íslands, þar sem hann fór stuttlega yfir helstu viðfangsefni félagins nú um stundir, sérstaklega atvinnuátak 2009-2011. Því næst flutti Eiríkur B. Björgvinsson, bæjarstjóri Fljótsdalshéraðs, stutta tölu þar sem hann fjallaði um mikilvægi skóga og skógræktar á Héraði.  Að ávörpum loknum fluttu erindi þeir Hallgrímur Indriðason og Þröstur Eysteinsson, hjá Skógrækt ríkisins. Fjallaði erindi Hallgríms um stöðu skógrækt í skipulagsferlinu, helstu lög sem um þau mál gilda, almennt verklag og almenna stöðu skógræktar. Erindi Þrastar hét „Hvar á að pota niður blessuðum trjánum?“ og fór hann þar yfir viðhorf til skógræktar eins og þau koma fram í könnunum og opinberri umræðu í dagblöðunum, en viðhorf til skógræktar skiptir miklu máli upp á landval fyrir skógrækt. Að loknum hádegisverði kynntu skógræktarfélög starfsemi sína, en mættir voru fulltrúar frá fimm skógræktarfélögum. Rannveig Einarsdóttir og Elín Harðardóttir kynntu Skógræktarfélag Austur Skaftfellinga, Orri Hrafnkelsson fjallaði um Skógræktarfélag Austurlands, auk þess að stýra fundi, Ásmundur Ásmundsson kynnti Skógræktarfélag Reyðarfjarðar, Anna Sigrún Gunnlaugsdóttir fór yfir starfsemi Skógræktarfélags Djúpavogs og Finnbogi Jónsson kynnti Skógræktarfélag Fáskrúðsfjarðar. Spunnust nokkrar umræður í kjölfar þeirra.

Að kynningum loknum var haldið í skoðunarferð til Gróðrarstöðvarinnar Barra á Valgerðarstöðum.

Skógræktarfélag A-Skaftfellinga

Með Skógræktarfélög

Skógræktarfélag A-Skaftfellinga var stofnað 14. apríl 1952, af fulltrúum úr fimm hreppum sýslunnar, fyrir tilstuðlan Ungmennasambandsins Úlfljóts. Félagsmenn eru um 70. Formaður er Stephen R. Johnson.

Hafið samband:
Stephen R. Johnson
Höfðavegi 10
780 Höfn í Hornafirði

Netfang: srj (hjá) eldhorn.is

Reitir
Haukafell á Mýrum, Landgræðsluskógasvæði við Drápskletta á Höfn.

Í Haukafelli er tjaldsvæði, með vatnssalerni og útivaski. Merktar gönguleiðir með fræðsluskiltum.