Skip to main content
Mánaðarlega Skjalasafn

desember 2013

Gleðileg jól!

Með Fréttir frá skógræktarfélögum

Skógræktarfélag Íslands, landssamband skógræktarfélaganna, óskar landsmönnum öllum gleðilegra jóla.

Sérstakar kveðjur fá aðildarfélög og félagsmenn þeirra, einnig aðrir velunnarar, samstarfs- og styrktaraðilar.

gledilegjol

Hressir jólasveinir á leið heim úr jólaskóginum í Brynjudal.

Skógræktarritið, seinna hefti 2013 er komið út

Með Fréttir frá skógræktarfélögum

Skógræktarritið, seinna hefti 2013, er komið út. Á kápu er fallegt mynd er nefnist „Vetur“ eftir Sigþór Jakobsson.

Að vanda eru fjölmargar áhugaverðar greinar í ritinu:

„Heiðursvarði um Eystein Guðjónsson frá Djúpavogi“, eftir Jón Geir Pétursson

„Tré ársins 2013“, eftir Brynjólf Jónsson

„Skógræktarritið í 80 ár“, eftir Einar Örn Jónsson

„Hellisgerði – Níutíu ára skrúðgarður“, eftir Jónatan Garðarsson

„Skógarmaðurinn“, eftir Guðríði Helgadóttur

„Kolefnisbinding í ungum lerkiskógi á Austurlandi“, eftir Brynhildi Bjarnadóttur

„Lygilegur árangur í skógrækt“, viðtal Einars Arnar Jónssonar við Barböru Stanzeit

„Trjágreinar I“, eftir Gísla Tryggvason

„Árhringjarannsókn á kastaníu í Belasitsa-fjöllum í Suður-Búlgaríu“, eftir Sævar Hreiðarsson og Ólaf Eggertsson

„Fjólubláa gullið – Felast vannýt tækifæri í lúpínunni?“, eftir Einar Örn Jónsson

„Hugleiðingar um stöðu birkisins í skógrækt“, eftir Þröst Eysteinsson

„Rauðavatnsstöðin – sögubrot af vandaðri girðingu“, eftir Bjarna Guðmundsson og Jón Geir Pétursson

„Aðalfundur Skógræktarfélags Íslands 2013“, eftir Ragnhildi Freysteinsdóttur

„Skógarferð til Colorado“, eftir Ragnhildi Freysteinsdóttur

„Skógræktarárið 2012“, eftir Einar Gunnarsson

Að auki eru minningargreinar um Margréti Guðjónsdóttur, Odd Sigurðsson, Hjört Tryggvason og Gísla Pálsson.

Með ritinu fylgir til áskrifenda nýjasta Frækornið og fjallar það um gisjun.

Skógræktarritið er leiðarvísir fyrir alla er rækta tré og skóga og er eina tímaritið um skógrækt á Íslandi. Það er því vettvangur allra áhugasamra um skógrækt og tengd efni og efnisumfjöllun því mjög fjölbreytt.

Skógræktarritið er selt í áskrift og í lausasölu á skrifstofu Skógræktarfélags Íslands að Þórunnartúni 6, 105 Reykjavík, sími 551-8150, netfang skog@skog.is. Nýir áskrifendur fá tvö síðustu rit að gjöf. Að auki fylgir nú með fallegur smjörhnífur úr íslenskum viði. Nú er rétta tækifærið til þess að prófa áskrift!

Ef áskrifendur vilja gera athugasemdir, t.d. varðandi breytt heimilisfang, er hægt að senda þær á netfangið: skog@skog.is.

skogrit2013-2-forsida

Sala á jólatrjám hjá skógræktarfélögum síðustu daga fyrir jól

Með Skógargöngur

Skógræktarfélög víða um land selja jólatré núna fyrir jólin. Þau félög sem taka á móti fólki í skóginn síðustu daga fyrir jól eru:

Skógræktarfélag A-Húnvetninga er með jólatrjáasölu í Gunnfríðarstaðaskógi 21.-22. desember kl. 11-15.

Skógræktarfélag Austurlands er með jólatrjáasölu í Eyjólfsstaðaskógi, 21.-22. desember kl. 12-16.

Skógræktarfélag Árnesinga er með jólatrjáasölu á Snæfoksstöðum í Grímsnesi, 21.-23. desember kl. 10-16.

Skógræktarfélag Eyfirðinga er með jólatrjáasölu í Laugalandi á Þelamörk, 21.-22. desember kl. 11-15.

Skógræktarfélag Eyrarsveitar er með jólatrjáasölu í Brekkuskógi, 20.-21 desember, kl. 13-18.

Skógræktarfélag Hafnarfjarðar er með jólatrjáa- og skreytingasölu í Selinu, bækistöðvum félagsins og Þallar, við Kaldárselsveg í Hafnarfirði, 21.-22. desember kl. 10-18.

Skógræktarfélag Mosfellsbæjar er með jólatrjáasölu í Hamrahlíð við Vesturlandsveg. Opið kl. 10-16 um helgar, en kl. 12-16 virka daga, til 23. desember.

Skógræktarfélag Reykjavíkur er með jólatrjáasölu á Jólamarkaðinum á Elliðavatni, 21.-22. desember kl. 11-16. Jólaskógurinn í Hjalladal á Heiðmörk er opinn 21.-22. desember kl. 11-16.

Skógræktarfélag Stykkishólms er með jólatrjáasölu í Vatnsdal og í Tíðási 21.-23. desember, kl. 12-15.

Fossá í Hvalfirði – Skógræktarfélög Kópavogs, Mosfellsbæjar, Kjalarness og Kjósarhrepps eru með jólatrjáasölu á Fossá í Hvalfirði 21. desember kl. 10:30-15.

Nánari upplýsingar á jólatrjáavef skógræktarfélaganna á heimasíðu Skógræktarfélags Íslands – www.skog.is.

Farsímasöfnunarátak 6.-16. desember

Með Ýmislegt

Fyrirtækin Síminn, Pósturinn og Græn framtíð standa fyrir farsímasöfnunarátaki 6.-16. desember næstkomandi. Pósturinn sendir sérhannaða plastpoka inn á öll heimili í landinu sem viðtakendur eru hvattir til að nýta undir bilaða eða afgangs farsíma. Símunum er svo skilað til Símans, þaðan sem þeir rata í hendur Grænnar framtíðar, sem kemur þeim í verð með endurnýtingu og endurvinnslu. Fyrirtæki geta einnig safnað innan sinna raða. 

Allur ágóði af símum sem safnast á þessu tímabili mun renna til styrktar góðum málefnum og er Skógræktarfélag Íslands eitt þeirra. Fjögur góðgerðarfélög eru tilgreind á plastpokanum og munu þeir sem skila inn símum geta merkt við hvaða félag óskað er eftir að styrkja. Hin félögin sem eru gefin upp eru Samhjálp, Stígamót og Hjálparsími Rauða krossins 1717.

Hvetjum við að sjálfsögðu alla skógræktarfélaga og annað skógræktarfólk til að losa sig við gömlu símana, sem safna ryki í skúffum hér og þar og styðja við Skógræktarfélag Íslands í leiðinni! Myndband með kynningu á félaginu má skoða á YouTube (hér).

Stjórn Skógræktarfélags Íslands hefur ákveðið að þeir fjármunir sem safnast, munu renna til Yrkju – sjóðs æskunnar til ræktunar landsins, en það er eitt þeirra verkefna sem félagið hefur umsjón með.
Yrkjusjóður úthlutar trjáplöntum til grunnskólabarna til gróðursetningar. Forsaga sjóðsins er sú, að árið 1990 var gefin út bókin Yrkja í tilefni 60 ára afmælis Vigdísar Finnbogadóttur sem þá var forseti Íslands. Hagnaður af sölu bókarinnar, ásamt öðrum framlögum, var settur í sjóð sem Vigdís stofnaði árið 1992. „Markmið sjóðsins er að kosta trjáplöntun íslenskra skólabarna á grunnskólastigi á ári hverju“ stendur í skipulagsskrá hans. Með þessu er honum ætlað að kynna mikilvægi skógræktar og ræktunar almennt fyrir unga fólkinu í landinu og ala þannig upp ræktendur framtíðarinnar. Á hverju ári sækja rúmlega 100 skólar um land allt um og fá úthlutað trjáplöntum.

farsimasofnun

Sala á jólatrjám hjá skógræktarfélögum helgina 14.-15. desember

Með Fréttir frá skógræktarfélögum

Skógræktarfélög víða um land selja jólatré núna fyrir jólin. Þau félög sem taka á móti fólki í skóginn helgina 14.-15. desember eru:

Skógræktarfélag Austurlands er með jólatrjáasölu í Eyjólfsstaðaskógi, báða dagana kl. 12-16.

Skógræktarfélag A-Skaftfellinga er með jólatrjáasölu í Haukafelli á Mýrum á sunnudaginn kl. 11-15.

Skógræktarfélag Árnesinga er með jólatrjáasölu á Snæfoksstöðum í Grímsnesi, báða dagana kl. 10-16.

Skógræktarfélag Borgarfjarðar er með jólatrjáasölu í Grafarkoti í Stafholtstungum, í samvinnu við Björgunarsveitina Heiðar, kl. 12-16, báða dagana, í Einkunnum á laugardaginn kl. 12-16 í samvinnu við Björgunarsveitina Brák og í Reykholti á sunnudaginn kl. 11-16.

Skógræktarfélag Dýrafjarðar er með jólatrjáasölu á Söndum á sunnudaginn kl. 13-16.

Skógræktarfélag Eyfirðinga er með jólatrjáasölu í Laugalandi á Þelamörk, báða dagana kl. 11-15.

Skógræktarfélag Garðabæjar er með jólatrjáasölu í Smalaholti á laugardaginn kl. 12-16.

Skógræktarfélag Grindavíkur er með jólatrjáasölu í Selskógi, báða dagana kl. 11-16.

Skógræktarfélag Hafnarfjarðar er með jólatrjáa- og skreytingasölu í Selinu, bækistöðvum félagsins og Þallar, við Kaldárselsveg í Hafnarfirði. Opið báða dagana kl. 10-18.

Skógræktarfélag Ísafjarðar er með jólatrjáasölu í hlíðinni ofan við Bræðratungu (innan við Seljalandshverfi) á laugardaginn, kl. 13-16.

Skógræktarfélag Mosfellsbæjar er með jólatrjáasölu í Hamrahlíð við Vesturlandsveg. Opið kl. 10-16 um helgar, en kl. 12-16 virka daga.

Skógræktarfélagið Mörk verður með jólatrjáasölu í Stóra-Hvammi, Fossi á Síðu, á sunnudaginn kl. 13-15.

Skógræktarfélag Rangæinga verður með jólatrjáasölu í Bolholtsskógi á sunnudaginn kl. 12-15.

Skógræktarfélag Reykjavíkur er með jólatrjáasölu á Jólamarkaðinum á Elliðavatni, opið báða dagana kl. 11-16. Jólaskógurinn í Hjalladal á Heiðmörk er opinn báða dagana kl. 11-16.

Skógræktarfélag Skagfirðinga er með jólatrjáasölu í Hólaskógi og skógarreitnum í Varmahlíð á sunnudaginn kl. 12-15.

Fossá í Hvalfirði – Skógræktarfélög Kópavogs, Mosfellsbæjar, Kjalarness og Kjósarhrepps eru með jólatrjáasölu á Fossá í Hvalfirði báða dagana kl. 10:30-15.

Nánari upplýsingar á jólatrjáavef skógræktarfélaganna (hér).

Rannsóknastyrkir í landgræðslu og skógrækt

Með Ýmislegt

Minningarsjóður Hjálmars R. Bárðarsonar og Else S. Bárðarson auglýsir rannsóknastyrki í landgræðslu og skógrækt, með sérstakri áherslu á vistfræði lúpínu og landgræðsluskógrækt með lúpínu.

Til úthlutunar verða um fjórar milljónir króna. Umsóknum skal skilað eigi síðar en 20. janúar 2014.

Umsókn ásamt fylgigögnum skal skila í einu pappírseintaki og á tölvutæku formi (á geisladiski sem rtf, pdf eða word skjal). Ófullgerðum umsóknum verður vísað frá.

Umsóknum skal skila til: Landgræðslusjóðs, Þórunnartúni 6, 105 Reykjavík. Skrifa skal skýrt á umslag: „Minningarsjóður Hjálmars R. Bárðarsonar og Else S. Bárðarson“.


Umsóknareyðublað (.doc)

Sala á jólatrjám hjá skógræktarfélögum helgina 7.-8. desember

Með Fréttir frá skógræktarfélögum

Skógræktarfélög víða um land selja jólatré núna fyrir jólin. Þau félög sem verða með jólatrjáasölu helgina 7.-8. desember eru:

Skógræktarfélag Árnesinga er með jólatrjáasölu á Snæfoksstöðum í Grímsnesi, báða dagana kl. 10-16. Sjá nánar á heimasíðu félagsins – skogarn.is

Skógræktarfélag Hafnarfjarðar er með jólatrjáa- og skreytingasölu í Selinu, bækistöðvum félagsins og Þallar, við Kaldárselsveg í Hafnarfirði. Opið báða dagana kl. 10-18. Sjá nánar á heimasíðu félagsins – skoghf.is

Skógræktarfélag Reykjavíkur er með jólatrjáasölu á Jólamarkaðinum á Elliðavatni, opið báða dagana kl. 11-16. Á laugardeginum verður kveikt á jólatré markaðarins kl. 14:30, en á hverju ári býður Skógræktarfélagið hönnuði eða listamanni að skreyta tréð og er það Tinna Ottesen hönnuður sem skreytir tréð í ár. Jólaskógurinn í Hjalladal á Heiðmörk opnar svo þann 7. desember og verður opinn báða dagana kl. 11-16. Mun Jón Gnarr borgarstjóri fella fyrsta tréð kl. 11 á laugardeginum, en auk hans hefur jólasveinn boðað komu sína á svæðið. Sjá nánar á heimasíðu félagsins – heidmork.is.

Fossá í Hvalfirði – Skógræktarfélög Kópavogs, Mosfellsbæjar, Kjalarness og Kjósarhrepps eru með jólatrjáasölu á Fossá í Hvalfirði báða dagana kl. 10:30-15. Sjá nánar á heimasíðu Skógræktarfélags Kópavogs – skogkop.net.

Jólatrjáasala hjá Skógræktarfélagi Mosfellsbæjar í Hamrahlíð við Vesturlandsveg hefst svo miðvikudaginn 11. desember og er opin alla daga til 23. desember. Opnunartími kl. 10-16 um helgar, en kl. 12-16 virka daga.
 

Nánari upplýsingar á jólatrjáavef skógræktarfélaganna á heimasíðu Skógræktarfélags Íslands – www.skog.is.

Vinabæjartré frá Reykjavík til Tórshavnar 2013

Með Fréttir frá skógræktarfélögum

Reykjavíkurborg gaf Þórshafnarbúum jólatré og voru ljósin á því tendruð við hátíðlega athöfn í miðborg Þórshafnar þann 30. nóvember. Afhenti Elsa Yeoman, forseti borgarstjórnar, tréð fyrir hönd Reykjavíkurborgar. Jón Gnarr, borgarstjóri, vildi með einhverju móti þakka Færeyingum þá frændsemi og vináttu sem þeir hafa sýnt Íslendingum í gegnum tíðina og var ákveðið í að færa þeim jólatré að gjöf í samvinnu við Skógræktarfélag Reykjavíkur, sem gaf tréð og Eimskip,sem sá um flutning þess til Færeyja.

Jólatréð var höggvið á svæði Skógræktarfélagsins á Heiðmörk þann 20. nóvember. Er tréð sitkagreni, af kvæminu Homer. Var það gróðursett árið 1960, af stúlknahópi Vinnuskóla Reykjavíkur, ásamt starfsfólki Skógræktarfélagsins. Nú, rúmri hálfri öld síðar, reyndist tréð vera orðið 12 m hátt og 40 cm í þvermál.

Jón Gnarr, borgarstjóri, vildi með einhverju móti þakka Færeyingum þá frændsemi og vináttu sem þeir hafa sýnt Íslendingum í gegnum tíðina og var ákveðið í að færa þeim jólatré að gjöf. Þetta er fyrsta jólatréð sem Reykjavíkurborg gefur Þórshöfn og er það von borgarstjóra að þessi siður verði viðhafður ár hvert héðan í frá til að minna á og treysta hin tryggu vinabönd milli þjóðanna tveggja.

faereyjar1

Unnið að því að reyra greinar trésins saman  (Mynd: Sk.Rvk.).

faereyjar2

Dráttarvél (sem er nokkuð stór) notuð til að lyfta trénu upp á flutningabíl (Mynd: Sk.Rvk.).

faereyjar3

Tréð komið upp á svokallað fleti á vörubílnum. Á fletinu ferðast tréð til Færeyja (Mynd: Sk.Rvk).

faereyjar4

Tréð leggur af stað úr Heiðmörk í sína langferð til Tórshavn (Mynd: Sk.Rvk.).

faereyjar5

Tréð komið upp tendrað í Tórshavn (Mynd: Alan Brockie).