Skip to main content
Mánaðarlega Skjalasafn

september 2019

Skrifstofa Skógræktarfélags Íslands – takmörkuð opnun 25. september til 2. október

Með Fréttir

Vegna útivinnu og sumarleyfa verður skrifstofa Skógræktarfélags Íslands takmarkað og óreglulega opin dagana 25. september til 2. október. Best er að hringja í síma 551-8150 til að athuga hvort starfsmaður sé við.
Ef nauðsynlega þarf að ná í starfsmann má senda tölvupóst eða hringja í farsíma viðkomandi. Nánari upplýsingar má finna hér á heimasíðunni.

Landbúnaðarháskóli Íslands – meistaravörn: Breytingar á kolefnisforða og öðrum jarðvegsþáttum við nýskógrækt á SV-landi

Með Fréttir

Joel C. Owona ver meistararitgerð sína í náttúru- og umhverfisfræði við Auðlinda- og umhverfisdeild Landbúnaðarháskóla Íslands sem nefnist Breytingar á kolefnisforða og öðrum jarðvegsþáttum við nýskógrækt á SV-landi (Changes in carbon-stock and soil properties following afforestation in SW Iceland).

Athöfnin fer fram á ensku mánudaginn 23. september 2019 í salnum Geitaskarði á 2. hæð Landbúnaðarháskóla Íslands á Keldnaholti, Reykjavík og hefst kl. 14:00. Allir velkomnir!

Markmið rannsókna Joel var að meta áhrif nýskógræktar í Heiðmörk og við Þingvallavatn á ýmsar mældar vistkerfisbreytur og kanna hvort aldur skóga og skógargerð skiptu þar máli.

Meistaranámsnefndin er skipuð af próf. Bjarna Diðrik Sigurðssyni og Berglindi Orradóttur MSc sem bæði starfa við Landbúnaðarháskóla Íslands. Prófdómari er dr. Guðmundur Halldórsson sem er rannsóknastjóri Landgræðslunnar. Verkefnið var styrkt af Orkuveitu Reykjavíkur og Landgræðsluskóla Sameinuðu þjóðanna.

 

Hafnarfjörður Forestry Association: The fungi in the forest

Með News

The Hafnarfjörður Forestry Association hosts a mushroom-picking walk through Höfðaskógur on Tuesday, September 17, starting at 17:30. The walk is guided by the natural scientist Helena Marta Stefánsdóttir. The walk starts at the western end of lake Hvaleyrarvatn.

Bring a basket (or paper bag), knife and a book on mushrooms, if you have one.

Skógræktarfélag Hafnarfjarðar: Matsveppirnir í skóginum

Með Fréttir

Helena Marta Stefánsdóttir náttúrufræðingur verður leiðsögumaður í sveppagöngu á vegum Skógræktarfélags Hafnarfjarðar um Höfðaskóg þriðjudaginn 17. september kl. 17:30. Mæting við vesturenda Hvaleyrarvatns þar sem hús bæjarins stóð áður.

Takið með ykkur körfu (eða bréfpoka), hníf og sveppahandbók ef þið eigið slíka.

Landssöfnun á birkifræjum

Með Fréttir

Nú er hafin landssöfnun á birkifræjum. Það er Landgræðslan, Olís og Hekluskógar sem standa fyrir átakinu. Söfnunin er liður í verkefni sem snýr að endurheimt birkiskóga, en þeir eru gríðarlega mikilvægur þáttur í uppgræðslu lands og kolefnisbindingu. Söfnunarpokar eru fáanlegir á Olís-stöðvum á Akureyri, Álfheimum, Norðlingaholti, Borgarnesi, Reyðarfirði, Selfossi, Höfn, Hellu, Fellabæ (Egilsstaðir) eða á Húsavík. Þessar sömu stöðvar taka við pokunum þegar fólk er búið að safna fræi í þá. Starfsstöðvar Landgræðslunnar taka einnig við fræpokum.

Ef fólk á þess ekki kost að fara á Olísstöð þá getur það safnað birkifræjum í tau- eða pappírspoka og skilað þeim á fyrrnefnda staði. Safnarar verða að láta miða í pokana þar sem fram kemur hvar á landinu þeir söfnuðu fræinu. Þetta skiptir máli, þar sem ekki er talið ráðlegt að blanda saman mismunandi ættstofnum birkis milli landshluta. Fræið þarf að vera þurrt í pokunum og best er að koma pokunum sem fyrst á söfnunarstaði. Ef söfnunarpokum er ekki skilað inn strax þarf að geyma þá í kæli.

Nöfn þeirra sem safna þurfa líka að fylgja fræpokunum. Átakinu lýkur um miðjan október og þá verður dregið úr nöfnum þeirra sem söfnuðu fræi og vegleg – umhverfisvæn – verðlaun veitt.

Landgræðslan er með starfsstöðvar í Gunnarsholti, Rangárvallasýslu, Keldnaholti í Reykjavík, Sauðárkróki, Hvanneyri, Húsavík og Egilsstöðum. Starfsstöðvarnar eru opnar virka daga á venjulegum skrifstofutíma. Heimasíða Landgræðslunnar er www.land.is

Á heimasíðu Hekluskóga er fínn fróðleikur um söfnun og sáningu birkifræs.

https://hekluskogar.is/frodl…/sofnun-og-saning-a-birkifraei/

Búið er að gera heimasíðu vegna átaksins og er slóðin á hana: www.olis.is/birkifrae

Endurheimt landgæða – sáning birkifræs. Slóð á myndband: https://www.youtube.com/watch?v=pUrKIOIhaGo

Því miður er 2019 ekki gott fræár fyrir birki en þó má víða finna tré með gott fræ. Slakt fræár ætti að vera enn meiri hvatning fyrir fólk til að fara á stúfana og leita uppi falleg tré með gott fræ. Með fræsöfnun hjálpum við náttúrunni til að hjálpa sér sjálfri.

Söfnun birkifræs er góð ástæða til að komast út og njóta fallegra haustdaga. Auk þess er fræsöfnun prýðileg fjölskylduskemmtun og er full ástæða til að hvetja vinnustaði til að fara í fræsöfnunarferðir.

Nánari upplýsingar veitir Áskell í síma 896 3313. Netfang: askell@land.is

A new forestry association – the Þórshöfn Forestry Association

Með News

A new forestry association, the Þórshöfn Forestry Association, was accepted this week as a member of the Icelandic Forestry Association. The Þórshöfn Forestry Association was formally founded on August 29, 2019 and its first chairman is Eyþór Atli Jónsson.

The Icelandic Forestry Association extends its warmest welcome to its newest member and wishes it all the best in the future!

Nýtt skógræktarfélag – Skógræktarfélag Þórshafnar

Með Fréttir

Nýtt félag bættist í hóp aðildarfélaga Skógræktarfélags Íslands nú í vikunni þegar Skógræktarfélag Þórshafnar var samþykkt inn af stjórn. Skógræktarfélag Þórshafnar er nýtt félag, en stofnfundur þess var haldinn 29. ágúst síðast liðinn. Formaður þess er Eyþór Atli Jónsson.

Skógræktarfélag Íslands býður nýja félagið velkomið í hópinn og óskar því velfarnaðar í störfum sínum!