Mánaðarlega Skjalasafn

desember 2011

Gleðilegt nýtt ár!

Með | Ýmislegt

Skógræktarfélag Íslands óskar landsmönnum öllum gleðilegs nýs árs!
Þökkum skógræktarfélögum um land allt – og öðrum vinum, samstarfs- og styrktaraðilum – fyrir ánægjulega samvinnu á liðnu ári.

Gleðileg jól!

Með | Ýmislegt
Skógræktarfélag Íslands, landssamband skógræktarfélaganna, óskar landsmönnum öllum gleðilegra jóla.
Sérstakar kveðjur fá aðildarfélög og félagsmenn þeirra, einnig aðrir velunnarar, samstarfs- og styrktaraðilar.



gledilegjol

Ýmsar ráðstefnur um borgarskóga

Með | Fundir og ráðstefnur

Nýverið var frétt hjá Ríkisútvarpinu um nýja rannsókn sem sýndi  að skóglendi og fallega náttúra hefur bætandi áhrif á andlega heilsu fólks og var ein ályktun þeirra sem stóðu að rannsókninni að mikilvægt væri að tré og græn svæði væru sem víðast í borgum til að tryggja andlega heilsu íbúanna.

Borgarskógar og margvíslegt mikilvægi þeirra fyrir íbúa borga virðist vera töluvert í umræðunni núna og eru margar alþjóðlegar ráðstefnur og fundir fyrirhugaðar á næstu árum. Fyrir þá sem hafa áhuga á þessum málaflokki er hér listi yfir nokkrar:

Heiti 

Staður og tími 

Nánari upplýsingar

Green Cities, Green Minds – 1st Biennial Congress on Urban Green Spaces (CUGS)  5.-7. mars 2012
Nýja Delí, Indland
http://www.cugs.in/CUGS_2012.html
15th European Forum on Urban Forestry  8.-12. maí 2012
Leipzig, Þýskaland 
www.efuf.org
Forests for People – International experiences and the vital role for the future  22.-24. maí 2012
Alpbach, Tíról, Austurríki 
http://ffp2012.boku.ac.at
ISA International Conference and Trade Show  10.-15. ágúst 2012
Portland, Oregon, Bandaríkin 
www.isa-arbor.com

Outdoor Recreation in Change – Current Knowledge and Future Challenges (MMV4) 

21.-24. ágúst 2012
Stokkhólmur, Svíþjóð 
http://www.mmv2012.se/
Varying Role of Urban Green Spaces – IFPRA European Congress  5.-7. september 2012
Basel, Sviss 
www.ifpra2012.bs.ch
Forests for Cities, Forests for People – perspectives on urban forest governance  27.-28. september 2012
Zagreb, Króatía 
http://www.sumins.hr/IUFRO2012/
Sustaining Humans and Forest in Changing Landscape – IUFRO Landscape Ecology Conference 5.-12. nóvember 2012

5.-12. nóvember 2012
Concepción, Síle 

http://www.iufrole2012.cl/
16th European Forum on Urban Forestry Maí 2013
Maí 2013
Mílanó, Ítalía 
www.efuf.org


 

 

Skógræktarfélag Íslands, Bandalag íslenskra skáta og Skátasamband Reykjavíkur kaupa Úlfljótsvatn

Með | Fréttir frá skógræktarfélögum

Í dag var skrifað undir samning um kaup Skógræktarfélags Íslands, Bandalags íslenskra skáta og Skátasambands Reykjavíkur á jörðinni Úlfljótsvatni austast í Grafningi. Jörðina keypti Reykjavíkurbær árið 1929 á 98 þúsund krónur vegna fyrirhugaðrar virkjunar í Soginu en jörðin fluttist yfir til Orkuveitunnar við stofnun hennar enda einnig jarðhiti þar. Skátar hafa haft meirihluta jarðarinnar á leigu og rekið þar skátamiðstöð í um 70 ár. Auk þess hefur verið stunduð þar skógrækt og á henni standa orlofshús starfsmannafélaga tengdum Reykjavíkurborg.

Kaupverð er 200 milljónir króna en undanskilin sölunni eru jarðhitinn, tæplega 60 hektara spilda nyrst á jörðinni auk réttinda sem tengd eru orlofshúsum. Þannig verður réttindum Starfsmannafélags Reykjavíkurborgar haldið til haga. Kaupendur munu taka við rekstri og umsjón Bernsku- og Skólaskóga sem ræktaðir hafa verið um árabil í samstarfi Orkuveitunnar og skógræktarfélaga.

Skógræktarfélag Íslands hefur allt frá stofnun félagsins árið 1930 unnið ötullega að skógrækt og fræðslu um mikilvægi skógræktar fyrir íslenskt samfélag. Innan vébanda Skógræktarfélags Íslands er 61 félag með um 8 þúsund félagsmenn. Með tilkomu eignarhalds á Úlfljótsvatni er stefnt að aukinni skógrækt og fjölbreyttum möguleikum til útivistar fyrir almenning, sem og auknu samstarfi Skógræktarfélags Íslands og Bandalags íslenskra skáta.

Árið 2007 var endurnýjaður leigusamningur á milli OR og skátahreyfingarinnar til 75 ára um áframhaldandi afnot skáta af Úlfljótsvatni. Þar eru nú rekin útilífsmiðstöð, skólabúðir, sumarbúðir fyrir börn, fræðslusetur, skógræktarstarf og þjálfunarbúðir fyrir skáta og björgunarsveitir. Auk þess er Úlfljótsvatn orðið eitt fjölsóttasta tjaldsvæði landsins þar sem áhersla er lögð á þjónustu við barnafjölskyldur.

Í ljósi margvíslegra kvaða sem á jörðinni hvíla var hún ekki talin á meðal þeirra eigna, sem Orkuveitan ætti möguleika á að selja samkvæmt þeirri aðgerðaáætlun sem nú er unnið eftir í rekstri fyrirtækisins. Eftir að Skógræktarfélag Íslands og fulltrúar skátahreyfingarinnar lýstu áhuga á að eignast jörðina var gengið til viðræðna við fulltrúa samtakanna og var tilboð þeirra samþykkt á fundi stjórnar Orkuveitunnar 18. nóvember síðastliðinn. Í ljósi sögunnar þótti rétt að bera söluna undir borgaryfirvöld og samþykkti borgarráð söluna fyrir sitt leyti 1. desember síðastliðinn.

ulfljotsvatn

F.v.: Bjarni Bjarnason, forstjóri Orkuveitunnar, Magnús Gunnarsson, formaður Skógræktarfélags Íslands, Bragi Björnsson skátahöfðingi og Anna Rós Sigmundsdóttir, formaður Skátasambands Reykjavíkur (Mynd: RF).

 

Jólaskógar skógræktarfélaganna – síðustu viku fyrir jól

Með | Fréttir frá skógræktarfélögum
Nokkur skógræktarfélag munu selja jólatré nú í síðustu viku fyrir jól. Það er öllum í hag að kaupa ferskt íslenskt jólatré af skógræktarfélögunum og styrkja jafnframt skógræktarstarfið í landinu.

Eftirtalin skógræktarfélög eru með jólatré til sölu:
Skógræktarfélag Árnesinga, Snæfoksstöðum í Grímsnesi dagana 22.-23. desember, kl.  11 – 16.
Skógræktarfélag Eyrarsveitar, Brekkuskógi ofan Grundarfjarðar dagana 22. -23. desember, kl. 13-17.  Hafa má samband fyrir þann tíma í Gunnar Njálsson í síma 438-6812/690-2764 eða á netfangið kglif (hjá) mi.
Skógræktarfélag Hafnarfjarðar, Þöll við Kaldárselsveg, til og með 22. desember, kl. 9-17. Jólatré, stafafura og sitkagreni í hnaus, jólaskreytingar.

Skógræktarfélag Mosfellsbæjar, Hamrahlíð við Vesturlandsveg, til og með 23. desember, kl. 12-16. Tekið er á móti hópum á öðrum tímum ef óskað er. Nánari upplýsingar er hægt að fá í síma 867-2516, 897-9585 eða á skogmos (hjá) internet.is.
Skógræktarfélag Reykjavíkur, Elliðavatni, fram að jólum, kl. 11-17.
Jólatrjáamarkaður skógræktarfélaga,  vestan við Umferðarmiðstöðina (BSÍ), kl. 12-20 til og með 20. desember, en kl. 12-22 dagana 21.-23. desember.

Jólaskógurinn í Brynjudal lokar að sinni

Með | Fréttir frá skógræktarfélögum

Nú um helgina komu síðustu hópar þessa árs í heimsókn í jólaskóginn í Brynjudal. Veðurguðirnir voru nokkuð mislyndir þessar helgar í desember sem hópar komu í heimsókn (gustaði dálítið stundum), en þar sem skógurinn er skjólgóður kom það ekki að sök og skartaði skógurinn hvítum jólasnjó allan tímann. Fengu gestir góðan göngutúr um skóginn í leit að rétta trén og yljandi kakó-sopa að leit lokinni. Einnig sást til nokkurra rauðklæddra og hvítskeggjaðra manna á ferð inn á milli…

Skógræktarfélag Íslands þakkar öllum þeim sem sóttu sér tré í jólaskóginn í Brynjudal fyrir komuna og vonandi sjáum við sem flesta aftur að ári!

Hér fyrir neðan má sjá nokkrar myndir frá „vertíð“ þessa árs í Brynjudal.

jolaskogur1

Jólatrénu pakkað í net (Mynd: RF).

jolaskogur2
Það er gott að fá sér kakó þegar komið er úr skóginum með tréð (Mynd:RF).

jolaskogur3
Börnin fá hollar og góðar mandarínur frá þessum jólasvein (Mynd: RF).

jolaskogur4
Það er alltaf vinsælt að fá mynd af sér með jólasveinunum (Mynd:RF).

jolaskogur5
Brugðið á leik með voffa (Mynd: RF).

jolaskogur6
Það er hægt að gera fleira en að velja sér tré í skóginum (Mynd: RF).

Framhaldsaðalfundur Skógræktarfélags Borgarfjarðar

Með | Fundir og ráðstefnur

Framhaldsaðalfundur Skógræktarfélags Borgarfjarðar verður haldinn í Alþýðuhúsinu í Borgarnesi mánudagskvöldið 19. desember 2011 klukkan 20:00.

Dagskrá fundarins:
1.       Ársreikningar 2009 og 2010
2.       Lagabreytingar – framhald umræðna
3.       Óskar Guðmundsson í Véum flytur erindi um ræktunarmanninn Þórhall Bjarnason.

Allir velkomnir!

Dorrit Moussaief velur best skreytta jólatréð

Með | Fréttir frá skógræktarfélögum

Skógræktarfélag Íslands hefur fengið fimm unga myndlistarmenn og hönnuði til að skreyta íslensk jólatré sem verða til sýnis á jólatrjáamarkaði skógræktarfélaga við Umferðarmiðstöðina (BSÍ) sunnudaginn 18. desember. Þetta er gert til þess að gefa gestum og gangandi tækifæri til að kynnast nýstárlegum og frumlegum leiðum til að skreyta jólatré. Dorrit Moussaief forsetafrú mun síðan velja best skreytta tréð á sunnudaginn kl. 14. Listamenn/hönnuðir sem taka þátt í þessum viðburði eru: Hildur Yeoman og Daníel Björnsson, Inga Birgisdóttir, Ingibjörg Sigurjónsdóttir, Sara Riel og Tinna Ottesen.

Tónlist, kakó og piparkökur í boði.

Allir velkomnir!