Skip to main content
Mánaðarlega Skjalasafn

nóvember 2009

Nýr leiðsögubæklingur um Esjuhlíðar

Með Fréttir frá skógræktarfélögum

Skógræktarfélag Reykjavíkur hefur gefið út leiðsögubækling um Esjuhlíðar.

Í bæklingum eru lýsing á þeim gönguleiðum sem eru greiðfærar og ýtarlegt kort með fræðsluefni um einstök atriði á hverri leið.

Hægt er að nálgast bæklinginn í Esjustofu og öllum helstu upplýsingamiðstöðvum ferðaþjónustunnar í borginni.

Bæklinginn unnu Bergþóra Einarsdóttir og Svala Hjörleifsdóttir, aðstoð við kortavinnslu veitti Ragnhildur Freysteinsdóttir.

esjubaeklingur

Mógilsárfréttir

Með Ýmislegt

Nú í október kom út annað tölublað 23. árgangs Mógilsárfrétta. Mógilsárfréttir voru fyrst gefnar út árið 1987 og svo samfellt til ársins 1991 er útgáfan lagðist af. Á þessu ári ákváðu starfsmenn Mógilsár að hefja aftur útgáfu á þessu riti. Stefnt er að því að gefa það út tvisvar til þrisvar sinnum á ári.

Tilgangur ritsins er að flytja fréttir af því sem er að gerast hverju sinni og kynna starfsemina á Rannsóknarstöð Skógræktar ríkisins að Mógilsá.

Þeir sem hafa áhuga á að skoða þetta rit geta nálgast það á heimasíðu Skógræktar ríkisins hér.

Skógræktarfélag Reykjavíkur: Jólakransagerð

Með Fréttir frá skógræktarfélögum

Lærðu að binda þinn eigin jólakrans á útidyrahurðina eða fyrir aðventuna úr furu og greni, skreytta með könglum, mosa, birki eða öðrum efnum.

Kennari: Auður Árnadóttir blómaskreytir.
Staður: Elliðavatn, Gamli salur.
Stund: Miðvikudagur 25. nóvember klukkan 19-22.

Efni innifalið en ef þátttakendur vilja koma með eigið efni til að skreyta með er það velkomið. Vinsamlega komið með litlar garðklippur ef þið eigið.

Skráning: hjá Ástu í síma 8448588 eða á astabard (hja) simnet.is

skrvk-jolakrans
(Mynd: Skógræktarfélag Reykjavíkur).

Málþing um loftslagsmál og úrlausnir

Með Fundir og ráðstefnur

Kolviður og REYST standa að málþingi um loftslagsmál á loftslagsdeginum 11. nóvember kl. 8:30-12:00, í húsi Orkuveitu Reykjavíkur, Bæjarhálsi 1.

Á málþinginu verða fræðandi erindi um loftslagsvandann en einnig verður sjónum beint að bindingu kolefnis í gróðri, jarðvegi og bergi, kolefnismörkuðum og möguleikum Íslendinga á því sviði, og hvað sé framundan í loftslagsmálum. 

 malthing-loftslagsmal

Fuglaverndarfélag Íslands: Fræðsluerindi um fuglaskoðun í Ecuador

Með Fræðsla

Þriðjudaginn 10. nóvember mun Fuglavernd halda fræðsluerindi um fuglaskoðun í Ecuador þar sem Yann Kolbeinsson ljósmyndari mun segja frá ferð sinni og sýna úrval mynda.

Ecuador er fremur lítið land í Suður-Ameríku sem liggur um miðbaug. Mjög fjölbreytt búsvæði og lega landsins, sem er tæplega þrisvar sinnum stærra en Ísland, valda því að yfir 1600 fuglategundir hafa verið skráðar þar. Af búsvæðum má nefna þurrt skóglendi við vesturströnd landsins, regnskóga á vestur- og austurhlíðum Andesfjalla, opin svæði ofan trjálínu í Andesfjöllunum sem minna þó nokkuð á Ísland og Amazon skógurinn með sitt fjölbreytta vatnakerfi. Auk hinna fjölmörgu varpfugla landsins er þó nokkur fjöldi farfugla frá Norður-Ameríku sem dvelur þarna um veturinn.

Fundurinn byrjar kl. 20:30 og er haldinn í húsakynnum Kaupþings í Borgartúni 19. Fundurinn eru öllum opinn svo lengi sem húsrúm leyfir. Aðgangur er ókeypis fyrir félaga í Fuglavernd en aðgangseyrir er 200 krónur fyrir aðra. Sjá www.fuglavernd.is.

fuglavernd-ecudaor
Sígaunafugl í Ecuador (Mynd: Yann Kolbeinsson).

Freysteinsvaka á Elliðavatni

Með Fundir og ráðstefnur

Skógræktarfélag Reykjavíkur stendur fyrir Freysteinsvöku á Elliðavatni laugardaginn 7. nóvember, kl. 13-17. Umfjöllunarefni hennar verður náttúrufræðingurinn Freysteinn Sigurðsson, sem lést á síðast liðnu ári, og hin fjölbreytilegu áhugasvið hans.

Aðgangur er ókeypis og eru allir velkomnir.

 

freysteinsvaka