Mánaðarlega Skjalasafn

ágúst 2010

Sveppafræðsla fyrir byrjendur í Fossselsskógi

Með Skógargöngur

Mánudagskvöldið 16. ágúst kl. 20:00 mun Óskar Jóhannsson leiðbeina um ætisveppi í Fossselsskógi. Farið er framhjá bænum Vaði og sameinast í bíla við skógarskiltið, þaðan er ekið upp að Geiraseli en þar mun sveppakynningin byrja.  Fólk hafi með sér hnífa og ílát.

Kaffi og kex drukkið við Geirasel í lokin.

Allir velkomnir
Skógræktarfélag Suður-Þingeyinga

sveppir

Skógardagur Skógræktarfélagsins Merkur

Með Fréttir frá skógræktarfélögum

Skógardagur skógræktarfélagsins Merkur verður haldinn í skógarreit félagsins að Hnausafit í Meðallandi laugardaginn 7. ágúst kl. 13:30. Mæting á bæjarhlaðinu á Syðri-Fljótum, þar sem við leggjum fólksbílum og sameinumst í jeppa í reitinn.

Við skoðum reitinn, grillum og gleðjumst saman á góðum degi. Guðmundur Óli mætir með harmóníkuna.

Allir áhugasamir hjartanlega velkomnir.

Skógræktarfélagið Mörk, Kirkjubæjarklaustri.