Frumvarp að staðlinum ÍST 95 – Leiðbeiningar um sjálfbæra skógrækt, hefur nú verið birt í Staðlatíðindum og er komið í umsagnarferli. Umsagnartímabilið stendur til 25. ágúst 2025. Eru allir áhugasamir hvattir til að senda inn umsögn með ábendingum eða tillögum, hafi viðkomandi eitthvað til málanna að leggja.
Frumvarpið má nálgast hjá Staðlaráði: https://stadlar.is/stadlabudin/vara/?ProductName=frIST-95-2025
Athugasemdir má setja hér: https://stadlar.is/taktu-thatt-/gera-athugasemd-vid-frumvarp/
Garðyrkjuskólinn – FSu býður upp á námskeið í trjáfellingum og grisjun með keðjusög núna í haust. Nánari upplýsingar má finna á heimasíðu Garðyrkjuskólans.
Nú er kominn sá árstími þar sem starfsfólk Skógræktarfélags Íslands er mikið í útivinnu og því frá skrifstofunni, auk þess sem það fer stundum í sumarfrí líka! Ef þú átt erindi á skrifstofu félagsins yfir sumarið getur því verið betra að hringja á skrifstofuna fyrst, því það geta komið dagar og tímar þar sem enginn er á skrifstofunni. Farsímanúmer starfsfólks má svo finna á heimasíðu félagsins.
Skrifstofa Skógræktarfélags Íslands verður lokuð föstudaginn 30. maí. Ef nauðsynlega þarf að ná í okkur má finna símanúmer starfsmanna hér á heimasíðunni.
Vegna útivinnu starfsmanna verður skrifstofa Skógræktarfélags Íslands lokuð þriðjudaginn 27. maí. Ef nauðsynlega þarf að ná í okkur má finna símanúmer starfsmanna hér á heimasíðunni.
Skógræktarfélag Reykjavíkur býður til málþings um framtíð Heiðmerkur, miðvikudaginn 28. maí, kl. 17-19, í Norræna húsinu. Aðgengi almennings að stærstum hluta Heiðmerkur kann að verða takmarkað í framtíðinni. Líkt og fram hefur komið, stefna Veitur að því að loka grannsvæði vatnsverndar fyrir almennri bílaumferð. Grannsvæði vatnsverndar nær yfir meginhluta Heiðmerkur.
Upplýsingar um málþingið má finna á heimasíðu Skógræktarfélags Reykjavíkur: https://heidmork.is/framtid-heidmerkur-adgengi-almennings-og-vatnsvernd/.
Þá verður fræðsluganga um Heiðmörk mánudaginn 26. maí, kl. 18, í samstarfi við Landvernd og Ferðafélag Íslands. Gengið verður frá Elliðavatnsbænum og tekur gangan um tvo klukkutíma. Gengið verður að þeim svæðum í Heiðmörk sem fyrirhugað er að girða af og loka. Í göngunni verður rætt um þau verðmæti sem í húfi eru.
Aðalfundur Skógræktarfélags skáta á Úlfljótsvatni 2025 verður haldinn í húsakynnum BÍS, Hraunbæ 123, í Reykjavík miðvikudaginn 21. maí 2025 kl. 20:00.
Dagskrá
Fundarsetning, kjör fundarstjóra og fundarritara.
Veitingar að venju í boði félagsins
Fulltrúar ungmennaráðs BÍS koma með kynningu á verkefninu Tré og tjútt, sem þau fengu styrk fyrir frá Loftslagssjóði ungs fólks og munu þau vinna verkefnið í samstarfi við Skógræktarfélag Reykjavíkur.
Skrifstofa Skógræktarfélags Íslands verður lokuð föstudaginn 25. apríl. Ef nauðsynlega þarf að hafa samband má finna símanúmer starfsmanna á heimasíðunni.
Aðalfundur Skógræktarfélaga Borgarfjarðar verður í Safnahúsi Borgarfjarðar, 29. apríl 2025 klukkan 18:00.
Dagskrá aðalfundar:
– Skýrsla stjórnar
– Farið yfir reikninga félagsins
– Samþykki skýrslu og reikninga
– Kosningar
– Félagsgjöld
– Önnur mál.
Aðalfundur Skógræktarfélag Mosfellsbæjar 2025 verður haldinn þriðjudaginn 6. maí kl. 20:00 í sal Björgunarsveitarinnar Kyndils í Mosfellsbæ, Völuteigi 23.
Dagskrá:
Að loknum hefðbundnum aðalfundarstörfum munu fulltrúar í stjórn Skógræktarfélags Mosfellsbæjar fara yfir og sýna brot af því besta úr 70 ára sögu félagsins, en félagið var stofnað árið 1955 og er því 70 ára í ár.
Boðið verður upp á veitingar að aðalfundi loknum.
Nýlegar athugasemdir