Skip to main content
Flokkur

Fréttir

Sumarið er tíminn…sem starfsfólk Skógræktarfélags Íslands er mikið á ferðinni

Með Fréttir

Nú er kominn sá árstími þar sem starfsfólk Skógræktarfélags Íslands er mikið í útivinnu og því frá skrifstofunni, auk þess sem það fer stundum í sumarfrí líka! Ef þú átt erindi á skrifstofu félagsins yfir sumarið getur því verið betra að hringja á skrifstofuna fyrst, því það geta komið dagar og tímar þar sem enginn er á skrifstofunni. Farsímanúmer starfsfólks má svo finna á heimasíðu félagsins.

Skógræktarfélag Reykjavíkur: Málþing um framtíð Heiðmerkur

Með Fréttir

Skógræktarfélag Reykjavíkur býður til málþings um framtíð Heiðmerkur, miðvikudaginn 28. maí, kl. 17-19, í Norræna húsinu. Aðgengi almennings að stærstum hluta Heiðmerkur kann að verða takmarkað í framtíðinni. Líkt og fram hefur komið, stefna Veitur að því að loka grannsvæði vatnsverndar fyrir almennri bílaumferð. Grannsvæði vatnsverndar nær yfir meginhluta Heiðmerkur.

Upplýsingar um málþingið má finna á heimasíðu Skógræktarfélags Reykjavíkur: https://heidmork.is/framtid-heidmerkur-adgengi-almennings-og-vatnsvernd/.

Þá verður fræðsluganga um Heiðmörk mánudaginn 26. maí, kl. 18, í samstarfi við Landvernd og Ferðafélag Íslands. Gengið verður frá Elliðavatnsbænum og tekur gangan um tvo klukkutíma. Gengið verður að þeim svæðum í Heiðmörk sem fyrirhugað er að girða af og loka. Í göngunni verður rætt um þau verðmæti sem í húfi eru.

 

Aðalfundur Skógræktarfélags skáta á Úlfljótsvatni 2025

Með Fréttir

Aðalfundur Skógræktarfélags skáta á Úlfljótsvatni 2025 verður haldinn í húsakynnum BÍS, Hraunbæ 123, í Reykjavík miðvikudaginn 21. maí 2025 kl. 20:00.

Dagskrá

Fundarsetning, kjör fundarstjóra og fundarritara.

  1. Lesin fundargerð síðasta aðalfundar.
  2. Skýrsla stjórnar og umræður um hana.
  3. Ársreikningar lagðir fram til umræðu og samþykktar.
  4. Lagabreytingar.
  5. Kosning formanns. Kosning annarra stjórnarmanna; ritara og gjaldkera
  6. Kosning skoðunarmanns/endurskoðanda og varamanns hans.
  7. Ákvörðun félagsgjalda.
  8. Önnur mál.

Veitingar að venju í boði félagsins

Fulltrúar ungmennaráðs BÍS koma með kynningu á verkefninu Tré og tjútt, sem þau fengu styrk fyrir frá Loftslagssjóði ungs fólks og munu þau vinna verkefnið í samstarfi við Skógræktarfélag Reykjavíkur.

 

Aðalfundur Skógræktarfélags Mosfellsbæjar 2025

Með Fréttir

Aðalfundur Skógræktarfélag Mosfellsbæjar 2025 verður haldinn þriðjudaginn 6. maí kl. 20:00 í sal Björgunarsveitarinnar Kyndils í Mosfellsbæ, Völuteigi 23.

Dagskrá:

  1. Kosning fundarstjóra og fundarritara
  2. Skýrsla stjórnar 2024
  3. Reikningar félagsins 2024
  4. Ákvörðun um félagsgjöld 2025
  5. Kosning stjórnar og endurskoðenda
  6. Önnur mál

 

Að loknum hefðbundnum aðalfundarstörfum munu fulltrúar í stjórn Skógræktarfélags Mosfellsbæjar fara yfir og sýna brot af því besta úr 70 ára sögu félagsins, en félagið var stofnað árið 1955 og er því 70 ára í ár.

Boðið verður upp á veitingar að aðalfundi loknum.

Aðalfundur Skógræktarfélags Selfoss 2025

Með Fréttir
Aðalfundur Skógræktarfélags Selfoss verður haldinn þriðjudaginn 29. apríl 2025 kl 20:00 í Mörkinni (stóra salnum í Grænumörk).
Dagskrá:
Venjuleg aðalfundarstörf.
Framkvæmdir við nýja Suðurlandsveginn um Hellisskóg. Gestur fundarins er Tómas Ellert Tómasson, staðarstjóri eftirlits við framkvæmdina. Hann mun kynna stöðu verkefnisins og framtíðarplön.
Allir eru velkomnir.