Skip to main content
Mánaðarlega Skjalasafn

október 2019

Kvöldganga í Höfðaskógi

Með Fréttir

Krabbameinsfélag höfuðborgarsvæðisins og Skógræktarfélag Hafnarfjarðar bjóða til skógargöngu þriðjudaginn 29. október  kl. 19:30. Safnast verður saman við Gróðrarstöðina Þöll við Kaldárselsveg og þaðan verður gengið um skógarsvæði Skógræktarfélags Hafnarfjarðar. Við upphaf göngunnar flytur Anna Borg stutt ávarp og að því loknu mun Steinar Björgvinsson skógfræðingur vera með leiðsögn um skóginn. Gert er ráð fyrir að skógargangan taki um eina klukkustund og að henni lokinni verður boðið upp á heitt súkkulaði og meðlæti í húsakynnum Þallar. Krabbameinsfélag höfuðborgarsvæðisins og Skógræktarfélag Hafnarfjarðar hvetja sem flesta til að taka þátt í kvöldgöngu um skóginn. Göngufólk er beðið að vera vel útbúið og taka með sér ljósfæri þar sem skuggsýnt er orðið.

Nánari upplýsingar gefur Magnús Gunnarsson í síma 665-8910.

Skógræktarnámskeið

Með Fréttir

Vilt þú leggja hönd á plóg við að rækta skóg, hefurðu áhuga á skógrækt eða ertu ef til vill nú þegar skógræktandi? Þá er þetta námskeið eitthvað fyrir þig.

Skógræktarfélag Reykjavíkur, norska sendiráðið og Oslóarborg bjóða upp á ókeypis námskeið sem haldið verður í Heiðmörk laugardaginn 19. október frá kl. 11:00 til ca. 15:30.

Esben Kirk Hansen frá Oslóarborg og Aðalsteinn Sigurgeirsson frá Skógræktinni segja frá mikilvægustu þáttum sem huga þarf að við ræktun og plöntun trjáa. Sendiráðið býður upp á kaffi og léttan hádegisverð.

Dæmi um spurningar sem Esben og Aðalsteinn geta svarað eru:
– Hvernig er hægt að nota skóginn? Nýtist hann á annan hátt en til að binda koltvísýring og veita skjól?
– Að hverju þarf að huga áður en plöntun hefst – Hvar er best að planta og hvaða trjátegundir og berjarunnar eru best fyrir íslenskar aðstæður?
– Þarf að grisja? Hvenær og hvernig er best að gera það?
– Hvaða verkfæri og útbúnað þarf ég að hafa?

Námskeiðið er opið öllum – vinsamlegast skráið ykkur:
https://docs.google.com/forms/d/e/1FAIpQLSfqpxxSUKQy9sMFFL-v_2KhNSfgn1cZASJEw_U-gydU5vqIlg/viewform

Það verður farið í göngutúr um skóginn svo klæðið ykkur eftir veðri.

Staður: https://ja.is/?q=%C3%BEingnesvegi
(Smiðja: Starfsstöð Skógræktarfélags Reykjavíkur á Heimási er staðsett við Þingnesveg rétt austan við Elliðavatnsbæinn).

The Tree of the Year 2019

Með News

The Icelandic Forestry Association, in collaboration with Lambhagi, will nominate a Norway spruce (Picea abies) at Elliðaárhólmi as the Tree of the Year 2019. A nomination ceremony will be held on Monday, October 14 at 13:30.

Dagur B. Eggertsson, mayor of Reykjavík and Jónatan Garðarsson, the chairman of the Icelandic Forestry Association will give an address, as well as a representative of the sponsor. Lára Rúnarsdóttir will perform music, a certificate will be presented to the city of Reykjavík, a sign marking the tree unveiled and the tree measured. Reykjavík Energy will offer coffee and kleinur for guests.

This is the first time that a Norway spruce has been nominated as the Tree of the Year.

 

Tré ársins 2019

Með Fréttir

Skógræktarfélag Íslands, í samstarfi við Lambhaga, útnefnir rauðgreni (Picea abies) í Elliðaárhólma sem Tré ársins 2019. Útnefningarathöfn hefst mánudaginn 14. október kl. 13:30.

Við athöfnina munu Dagur B. Eggertsson borgarstjóri og Jónatan Garðarsson, formaður Skógræktarfélags Íslands, flytja ávarp, auk fulltrúa styrktaraðila. Lára Rúnarsdóttir flytur tónlist, viðurkenningaskjal verður afhent og skjöldur afhjúpaður og tréð mælt hátt og lágt. Kaffi og kleinur í boði Orkuveitunnar.

Er þetta í fyrsta sinn sem rauðgrenitré er útnefnt Tré ársins og er tréð sérlega glæsilegt.

Safnast verður saman við Rafveituheimilið og gengið þaðan að trénu (rauða punkti á mynd).

Málþing – Timburgæði og afurðir

Með Fréttir

Aðalfundur Landssamtaka skógareigenda (LSE) verður haldinn í Kjarnalundi á Akureyri dagana 11. – 12. október næst komandi.

Í tengslum við aðalfundinn verður haldið málþing um viðargæði og markaðssetningu og hefst það á laugardagsmorgninum kl. 11 í Hótel Kjarnalundi og stendur fram yfir hádegi.

Dagskrá málþings

10:00     Opnunarávarp

10:15     Ávarp formanns LSE

10:20   Viðarfræði

10:40   Þurrkun timburs

10:55   Mikilvægi góðrar sögunar

13:25   Afurðarstöð fyrir smávið

11:35   Límtré úr íslensku timbri?

12:05   Hádegismatur

13:00   Íslenskt timbur til vöruhönnunar

13:25   Sögunarmyllan

14:05   Samstarf garðyrkjubænda

14:30   TreProX

14:50   Samantekt málþingsins

15:00   Göngutúr um Kjarnaskóg

 

Nánari upplýsingar um fundinn og málþingið má finna á heimasíðu LSE – https://www.skogarbondi.is/single-post/2019/09/03/adal2019

Skráningafrestur er til 7. október.