Skip to main content
Flokkur

Fréttir frá skógræktarfélögum

Gleðileg jól!

Með Fréttir frá skógræktarfélögum

Skógræktarfélag Íslands, landssamband skógræktarfélaganna, óskar landsmönnum öllum gleðilegra jóla.

Sérstakar kveðjur fá aðildarfélög og félagsmenn þeirra, einnig aðrir velunnarar, samstarfs- og styrktaraðilar.

gleilegjl

Jólatrjáasölur skógræktarfélaganna helgina 16.-17. desember

Með Fréttir frá skógræktarfélögum

Það eru mörg skógræktarfélög sem verða með jólatré til sölu nú um næstu helgi. Nánari upplýsingar á www.skog.is/jolatre.

Skógræktarfélag Akraness, í Slögu á sunnudaginn kl. 12-15.

Skógræktarfélag Austurlands, í Eyjólfsstaðaskógi á sunnudaginn kl. 12-15.

Skógræktarfélag Austur-Húnvetninga, á Gunnfríðarstöðum báða dagana kl. 11-15.

Skógræktarfélag Árnesinga, á Snæfoksstöðum báða dagana kl. 11-16.

Skógræktarfélag Borgarfjarðar, í samstarfi við Björgunarsveitina Heiðar, í Grafarkoti báða dagana kl. 11-16.

Skógræktarfélag Eyfirðinga, í Laugalandsskógi báða dagana kl. 11-15.

Skógræktarfélag Eyrarsveitar, í Brekkuskógi báða dagana.

Skógræktarfélag Garðabæjar, í Smalaholti á laugardaginn kl. 12-16.

Skógræktarfélag Hafnarfjarðar, í Þöll við Kaldárselsveg, báða dagana kl. 10-18 og svo virka daga á sama tíma.

Skógræktarfélag Ísafjarðar, í reit ofan Bræðratungu á laugardaginn kl. 13-15.

Skógræktarfélag Mosfellsbæjar, í Hamrahlíð báða dagana kl. 10-16 og svo virka daga kl. 12-18.

Skógræktarfélagið Mörk, í Stóra-Hvammi á sunnudaginn kl. 13-15.

Skógræktarfélag Rangæinga, í Bolholtsskógi á sunnudaginn kl. 13-16.

Skógræktarfélag Reykjavíkur, á Jólamarkaði í Heiðmörk báða dagana kl. 12-17 og í Jólaskóginum í Hólmsheiði báða dagana kl. 11-16.

Skógræktarfélag Skagfirðinga, í Varmahlíð og Hólaskógi á sunnudaginn kl. 12-15.

Skógræktarfélag Skilmannahrepps, í Álfholtsskógi báða dagana kl. 12-16.

Fossá skógræktarfélag, á Fossá í Hvalfirði, báða dagana kl. 10-16.

Jóla- og tækifæriskort Skógræktarfélags Íslands árið 2017

Með Fréttir frá skógræktarfélögum

Jóla – og tækifæriskort Skógræktarfélags Íslands árið 2017 er komið. Kortið prýðir mynd eftir listamanninn Grétu Gísladóttur og prýðir sú mynd einnig forsíðu 2. heftis Skógræktarritsins 2017.

Ekkert er prentað inn í kortin, þannig að þau nýtast áfram eftir jól sem afmæliskort, boðskort eða hvað sem fólki dettur í hug.

Kortin eru seld 10 saman í pakka með umslögum á kr. 2.000.

Hægt er að nálgast kortin á skrifstofu Skógræktarfélags Íslands, í Þórunnartúni 6, 2. hæð (inngangur við antikbúðina). Einnig eru til nokkrar gerðir af eldri kortum (sjá hér – www.skog.is/kort), á kr. 1.000 fyrir 10 stykki.

Hægt er að panta kortin í síma 551-8150 eða með tölvupósti til skog@skog.is og fá þau póstsend, en þá bætist við póstburðargjald.

tkort


Jólatrjáasölur skógræktarfélaganna helgina 9. – 10. desember

Með Fréttir frá skógræktarfélögum

Það eru ýmis skógræktarfélög sem verða með jólatré til sölu nú um næstu helgi. Nánari upplýsingar á www.skog.is/jolatre.

Skógræktarfélag Akraness, í Slögu á sunnudaginn kl. 12-15.

Skógræktarfélag Árnesinga, á Snæfoksstöðum báða dagana kl. 11-16.

Skógræktarfélag Borgarfjarðar, í Reykholti á laugardaginn kl. 11-15.

Skógræktarfélag Eyfirðinga, í Laugalandsskógi báða dagana kl. 11-15.

Skógræktarfélag Hafnarfjarðar, báða dagana kl. 10-18 og svo virka daga á sama tíma.

Skógræktarfélag Mosfellsbæjar, í Hamrahlíð báða dagana kl. 10-16 og svo virka daga kl. 12-18.

Skógræktarfélag Reykjavíkur, á Jólamarkaði í Heiðmörk báða dagana kl. 12-17 og í Jólaskóginum í Hólmsheiði báða dagana kl. 11-16.

Fossá skógræktarfélag, á Fossá í Hvalfirði, báða dagana kl. 10-16.

Jólatré og skraut frá skógræktarfélögunum – fyrstu möguleikar!

Með Fréttir frá skógræktarfélögum

Mörg skógræktarfélög selja jólatré og/eða skreytingaefni fyrir jólin. Fyrir þá sem vilja vera snemma á ferðinni í jólaundirbúningnum og huga strax að jólatrénu eru nokkur félög sem eru með sölur núna í lok nóvember og byrjun desember. Sjá nánar á www.skog.is/jolatre

Skógræktarfélag Akraness verður með jólatrjáasölu í Slögu sunnudaginn 3. desember kl. 12-15.

Skógræktarfélag Borgarfjarðar verður með svokölluð tröpputré til sölu á Kósíkvöldi Hyrnutorgs í Borgarnesi 30. nóvember kl. 20-22.

Skógræktarfélag Hafnarfjarðar er með jólatrjáa- og skreytingasölu í Þöll virka daga í desember kl. 10-18.

Skógræktarfélag Reykjavíkur er með jólatrjáasölu á Jólamarkaðinum í Heiðmörk helgina 2.-3. desember kl. 12-17.

Sjálfboðaliðagróðursetning

Með Fréttir frá skógræktarfélögum

Hin árlegi sjálfboðaliðadagur Skógræktarfélags Hafnarfjarðar verður laugardaginn kemur þann 7. október. Gróðursett verður á Beitarhúsahálsi skammt frá gömlu kartöflugörðunum. Svæðið er skammt frá gatnamótum Kaldárselsvegar og Hvaleyrarvatnsvegar, norðvestur af Þöll. Byrjað verður kl. 10:00 og reiknað er með að gróðursetningin taki um tvær klukkustundir.

Plöntur og verkfæri verða á staðnum. Boðið verður upp á hressingu í Þöll að gróðursetningu lokinni.

Allir velkomnir. Komið og takið þátt í uppbyggjandi starfi í góðum félagsskap.

Nánari upplýsingar á heimasíðu Skógræktarfélagsins skoghf.is, fésbókarsíðu eða í síma 555-6455.

Tré ársins 2017

Með Fréttir frá skógræktarfélögum

Skógræktarfélag Íslands, í samstarfi við IKEA á Íslandi, útnefnir beyki (Fagus sylvatica) í Hellisgerði í Hafnarfirði sem Tré ársins 2017, við hátíðlega athöfn laugardaginn 29. júlí kl. 15:00. Boðið verður upp á fjölbreytta og skemmtilega dagskrá. Allir velkomnir.

Dagskrá:
1.           Tónlist, Andrés Þór Gunnlaugsson og Sigurður Flosason
2.           Ávarp, Magnús Gunnarsson, formaður Skógræktarfélags Íslands
3.           Afhending á viðurkenningarskjali
4.           Ávarp, Guðlaug Kristjánsdóttir, forseti bæjarstjórnar Hafnarfjarðarbæjar
5.           Ávarp, Þórarinn Ævarsson, framkvæmdastjóri IKEA, styrktaraðili Trés ársins
6.           Mæling á trénu
7.           Veitingar í boði IKEA og tónlist

Beyki er algengt skógartré í Evrópu og hefur viður þess verið nýttur á marga vegu, meðal annars til húsa- og húsgagnagerðar og í ýmsan húsbúnað en einnig þykir beyki góður eldiviður. Beyki þarf hlýtt og langt sumar og vex því almennt takmarkað á Íslandi, en er þó lífseigt og getur lifað lengi sem lítið tré eða runni. Í Hellisgerði má finna fjögur beykitré, sem gróðursett voru fyrir 90 árum, þá einhverra ára gömul, svo Tré ársins 2017 getur verið hátt í hundrað ára gamalt.

Skógræktarfélag Íslands útnefnir árlega Tré ársins. Er útnefningunni ætlað að beina sjónum almennings að því gróskumikla starfi sem unnið er um land allt í trjá- og skógrækt og benda á menningarlegt gildi einstakra trjáa um allt land.

trearsins2017

Lionsklúbbur Hafnarfjarðar gefur Skógræktarfélagi Hafnarfjarðar bekki

Með Fréttir frá skógræktarfélögum

Laugardaginn 29. júlí verða þrír bekkir við Hvaleyrarvatn formlega afhentir Skógræktarfélagi Hafnarfjarðar en bekkirnir eru gjöf Lionsklúbbs Hafnarfjarðar til Skógræktarfélagsins í tilefni 100 ára afmælis Lionshreyfingarinnar. Afhendingin fer fram kl. 11:00 við bekkinn sem er austan við Hvaleyrarvatn, um 50 metra frá Sandvíkinni.

Skógræktarfélagið býður upp á kaffi í Þöll við Kaldárselsveg að athöfn lokinni. Allir velkomnir.

Nánari upplýsingar í síma: 555-6455 (Skógræktarfélagið), 896-3929 (Ingvar Viktorsson) eða á heimasíðu Skógræktarfélags Hafnarfjarðar – skoghf.is.

Sumarhátíð fyrir eldri borgara í Kópavogi

Með Fréttir frá skógræktarfélögum

Skógræktarfélag Kópavogs og bæjarstjórn Kópavogs bjóða eldri borgurum í Kópavogi til sumarhátíðar í Guðmundarlundi þriðjudaginn 25. júlí kl 13:30-16:30.

Dagskrá:
1. Bernhard Jóhannesson, formaður Skógræktarfélags Kópavogs, flytur ávarp og býður gesti velkomna í Guðmundarlund.
2. Harmonikkuleikur og veitingar í boði Skógræktarfélagsins og bæjarstjórnar Kópavogs.
3. Bæjarstjóri flytur ávarp.
4. Nýr minigolfvöllur vígður í Guðmundarlundi.

Rútuferðir verða í Guðmundarlund sem hér segir: frá Sunnuhlíð kl. 12:45, frá Gjábakka kl. 13:00, frá Gullsmára kl. 13:00 og frá Boðanum kl. 13:25.

Þeir sem geta komið á eigin bílum eru hvattir til þess – í Guðmundarlundi eru góð bílastæði.

Skógarleikarnir 2017

Með Fréttir frá skógræktarfélögum

Skógræktarfélag Reykjavíkur efnir til Skógarleika laugardaginn 1. júlí, þeirra þriðju í röðinni. Eins og fyrri ár verður ævintýraleg stemning í Furulundi þar sem gestir á öllum aldri njóta töfra skógarins. Skógarhöggsmenn leiða saman hesta sína og keppa í hefðbundnum skógarhöggsgreinum svo sem axarkasti, sporaklifri, bolahöggi og afkvistun trjábola. Gestir fá tækifæri til að spreyta sig á axarkasti og Orri arboristi sýnir trjáklifur í línu.

Í ár verður gestum einnig boðið í upplifunargöngu um skóginn undir leiðsögn Ólafs Oddssonar þar sem leyndardómar skógarins verða afhjúpaðir. Þá geta yngstu gestirnir spreytt sig á að tálga nýhöggvinn við og fylgst með eldsmiði hamra heitt járnið yfir logandi eldi. Teepee tjald verður reist og þar verður hægt að kjarna sig undir seiðandi stemmningu.

Gestum er svo að sjálfsögðu boðið í grillveislu þar sem skógarbrauð á priki, pylsur og annað góðgæti verður grillað yfir varðeldi og rjúkandi ketilkaffi verður einnig á boðstólum.

Skógræktarfélagið bíður alla hjartanlega velkomna í Furulund!

Laugardaginn 1. júlí frá kl. 13 – 17 í Furulundi í Heiðmörk

Fylgist með okkur:
Facebook: Skógræktarfélag Reykjavíkur – https://www.facebook.com/events/145926465968925/
Snapchat: heidmork

Allar frekari upplýsingar veitir Guðfinna Mjöll Magnúsdóttir í síma 690-9874.

X