Skógræktar- og landverndarfélagið undir Jökli heldur aðalfund sinn fimmtudaginn 21. mars kl. 20:00, í kaffistofu KG í Rifi.
Skógræktarfélag Garðabæjar heldur aðalfund sinn mánudaginn 18. mars 2019 í Safnaðarheimilinu Kirkjuhvoli við Kirkjulund og hefst hann kl. 20:00.
Dagskrá:
• Venjuleg aðalfundarstörf:
1. Kosning fundarstjóra
2. Skýrsla stjórnar 2018
3. Reikningar félagsins 2018
4. Ákvörðun um félagsgjöld 2019
5. Stjórnarkjör:
• Kosning formanns
• Kosning þriggja aðalmanna
• Kosning þriggja varamanna
• Kosning skoðunarmanns reikninga
• Kynning á nýrri vefsíðu félagsins
• Önnur mál
Kaffiveitingar í boði félagsins
Jóhann Óli Hilmarsson og dr. Ólafur Einarsson munu halda erindi um fuglalíf í Garðabæ sem þeir hafa rannsakað í áraraðir. Í bæjarlandinu er fjölskrúðugt fuglalíf á skógræktarsvæðum ofan byggðar, við tjarnir, vötn og niður í fjörur.
Allir hjartanlega velkomnir
Stjórn Skógræktarfélags Garðabæjar
Í tilefni af alþjóðlegum degi skóga þann 21. mars verður boðið upp á fræðslu um vetrargreiningu trjáa og runna, en tré og runnar eru í vetrarbúningi stóran hluta ársins á Íslandi.
Steinar Björgvinsson garðyrkjufræðingur og framkvæmdastjóri Skógræktarfélags Hafnarfjarðar sér um fræðsluna sem hefst við aðalinngang Grasagarðsins kl. 18.
Viðburðurinn er samstarfsverkefni Grasagarðsins, Skógræktarfélags Hafnarfjarðar og Skógræktarfélags Íslands.
Þátttaka er ókeypis og allir velkomnir.
In honour of the International Day of Forests on March 21 the Icelandic Forestry Association, in collaboration with the Hafnarfjörður Forestry Association and the Reykjavík Botanical Garden, will host an education event focused on identifying trees in winter, but trees and shrubs are in their „winter form“ for a large part of the year in Iceland.
Steinar Björgvinsson, general manager of the Hafnarfjörður Forestry Association, will lead a walk through the Reykjavík Botanical Garden, starting at 18:00 at the Garden‘s main entrance.
Everybody welcome!
Fulltrúafundur skógræktarfélaganna 2019 verður haldinn laugardaginn 16. mars kl. 10-16 í félagsheimili Orkuveitunnar í Elliðaárdal.
Meginþemu fundarins eru Landgræðsluskógar og Græni stígurinn, en auk þess er gert ráð fyrir almennum umræðum þar sem félögin geta rætt það sem brennur á þeim.
Skógræktarfélag Rangæinga heldur aðalfund sinn þriðjudaginn 19. mars kl. 20:00 á Hótel Hellu.
Nú á vormánuðum eru ýmis áhugaverð námskeið fyrir ræktunarfólk í boði hjá Endurmenntun Landbúnaðarháskóla Íslands.
Má þar meðal annars finna námskeið um forvarnir gegn gróðureldum, ræktun berjarunna, að breyta sandi í skóg, gerð göngustíga í náttúrunni og gerð leiksvæða.
Upplýsingar um námskeiðin, sem og önnur námskeið sem Landbúnaðarháskólinn stendur fyrir má finna á heimasíðu skólans – http://www.lbhi.is/namskeid_i_bodi.
The Icelandic Forestry Association wishes everyone a Happy New Year!
Special thanks to all the forestry associations in Iceland – and all our other friends, partners and supporters – for their cooperation this past year.
Fulltrúafundur Skógræktarfélags Íslands 2012 var haldinn að Úlfljótsvatni laugardaginn 14. apríl, í Strýtunni – Útilífsmiðstöð Skáta.Magnús Gunnarsson, formaður Skógræktarfélags Íslands, setti fundinn. Því næst tók við frumsýning á tveimur nýjum kynningarmyndum, um Starfs skógræktarfélaganna og Græna stíginn. Kynnti Óskar Þór Axelsson kvikmyndagerðarmaður myndina, en hann vann hana í samvinnu við Skógræktarfélag Íslands og þá sérstaklega Einar Örn Jónsson.
Að sýningu myndanna lokinni tók til máls Ólafur J. Proppé, formaður fræðsluráðs í stjórn Bandalags íslenskra skáta, og sagði frá starfsemi Skáta á Úlfljótsvatni, en þeir hafa verið þar með starfsemi í eina sjö áratugi, sem og frá stefnumörkun Skátanna.
Því næst kynnti Auður Sveinsdóttir, dósent við Landbúnaðarháskóla Íslands, nokkrar hugmyndir að landnýtingu á Úlfljótsvatni, sem nemendur á umhverfisskipulags og skógræktarbraut Landbúnaðarháskólans unnu sem verkefni. Kenndi þar ýmissa grasa og vakti til dæmis hugmynd um „tásustíg“ nokkra athygli, en þar er átt við stíg með fjölbreytt yfirborð, sem fólk gengi berfætt eftir.
Björn Traustason, Rannsóknarstöð skógræktar á Mógilsá, fjallaði svo um eignarhald á skógum, en greining þar á hefur verið unnin út frá gögnum Íslenskrar skógarúttektar og var áhugavert að sjá hversu öflug skógræktarfélögin hafa þar verið í að skógvæða landið.
Síðastur á mælendaskrá var Böðvar Guðmundsson, framkvæmdastjóri Skógræktarfélags Árnesinga, og fór hann yfir kvæmi til jólatrjáaframleiðslu.
Þátttakendur á fundinum skiptu sér svo á milli tveggja umræðuhópa; annars vegar um Úlfljótsvatn og framtíðarhorfur og möguleikum þar, og hins vegar um jólatré, framleiðslu þeirra og sölu.
Fundinum lauk svo formlega með vettvangsferð um Úlfljótsvatn. Var litið yfir svæði Skólaskóga, þar sem grunnskólar í Reykjavík hafa gróðursett plöntum úthlutað úr Yrkjusjóði í vel á annan áratug, og Bernskuskóga. Einnig var litið við á bænum Úlfljótsvatni og haldið til Úlfljótsvatnskirkju. Ferðin endaði svo á móttöku í Strýtunni, þar sem hressing beið þátttakenda og voru ýmis skógræktarmál rædd þar.
Nýlegar athugasemdir