Garðyrkjuskólinn á Reykjum býður upp á námskeið um trjáfellingar og grisjun með keðjusög nú í október. Kennt er á Hallormsstað. Nánari upplýsingar verða á heimasíðu skólans: https://www.fsu.is/is/namid/gardyrkjuskolinn-reykjum
Enn er tækifæri til að skrá sig á stærsta skógartengda viðburð heims á þessu ári. Heimsþing IUFRO (International Union of Forest Research Organisations), samtaka skógrannsóknastofnana, verður nú stærra og fjölsóttara en nokkru sinni. Það fer fram 23.-29. júní í Stokkhólmi. Ríflega 4.100 manns hafa þegar skráð sig á viðburðinn hvaðanæva úr heiminum. Hlutföll kynjanna hefur aldrei verið jafnara á þinginu og nú stefnir í að hlutfall kvenna verði 45% þátttakanda. Þar að auki verða yfir 500 hagsmunaaðilar og ríflega 100 fyrirtæki og samtök úr norræna skógageiranum á þinginu sem sýnendur eða fulltrúar.
Sem skráður þátttakendi á þessu sjö daga heimsþingi, geturðu sökkt þér ofan í fjölbreytta dagskrána og skoðað glæsilegt sýningarsvæði. Í boði verða yfir 4.500 kynningar á öllu því nýjasta í heimi skógrannsókna og -þróunar. Fjallað verður um mikilvæg efni eins og líffjölbreytni, lífhagkerfi, seiglu skóga, sjálfbærni samfélaga og margt fleira. Sérstök nýjung á þinginu er svokallað frumkvöðlasvið eða Innovation Stage þar sem tugir framsækinna frumkvöðla kynna nýjustu vörur sínar, þjónustu eða kerfi. Þessi stóri viðburður er með öðrum orðum ekki bara þing eða ráðstefna heldur gefst þarna tækifæri til að hitta sérfræðinga hvaðanæva úr heiminum, deila sýn sinni, þekkingu og hugmyndum en líka mynda tengsl, til dæmis við fræðimenn en líka forystufólk í skógariðnaði. Þar með gefst líka einstakt tækifæri til að hafa raunveruleg áhrif.
Á þinginu verða meira en 140 viðurkenndir blaðamenn alþjóðlegra fjölmiðla. Það gefur líka færi á að koma boðskap sínum á framfæri á alþjóðlegum vettvangi. Skráðu þig sem fyrst og legðu þekkingu þína, hugmyndir og framtíðarsýn fram í Stokkhólmi í sumar!
#IUFRO2024 [Skráning hér: https://iufro2024.com/registration-and-fees/ ]
Bjarkey Olsen Gunnarsdóttir matvælaráðherra, Jónatan Garðarsson, formaður Skógræktarfélags Íslands og Ágúst Sigurðsson, forstöðumaður Lands og skógar, undirrituðu í dag, 15. maí, samning um framkvæmd Landgræðsluskóga til enda árs 2029.
Landgræðsluskógar eru umfangsmesta skógræktar- og uppgræðsluverkefni skógræktarfélaganna, unnið í samstarfi við ríkið. Verkefninu var hleypt af stokkunum árið 1990 í tilefni 60 ára afmælis Skógræktarfélags Íslands, en markmið þess er að græða upp illa og ógróið land með fjölbreyttum skógum og stuðla þannig að ræktun skóga til útivistar fyrir almenning, bættum kolefnisbúskap lands, endurheimt vistkerfa og eflingu líffræðilegrar fjölbreytni.
Unnið hefur verið að ræktun landgræðsluskóga á um 150 svæðum um land allt en innan raða þess hafa verið gróðursettar rúmlega 24 milljónir trjáplantna sem ná yfir um 770 km2 svæði. Land og skógur hefur eftirlit með framkvæmd samningsins.
Langflest ræktunarsvæði landgræðsluskóga eru á landi í eigu sveitarfélaga, ríkis eða skógræktarfélaganna sjálfra. Skógræktarfélögin sjá um framkvæmd verkefnisins á hverjum stað, að útvega land, friðun og vörslu, gróðursetningu og umhirðu.
Samstarf ríkisins við skógræktarfélögin byggir á því að unnið sé að þeirri stefnu sem stjórnvöld hafa sett. Samningurinn styður við ýmis markmið Lands og lífs, stefnu stjórnvalda í landgræðslu og skógrækt.
Ágúst Sigurðsson, forstöðumaður Lands og skógar og Jónatan Garðarsson, formaður Skógræktarfélags Íslands færðu Bjarkeyju Olsen Gunnarsdóttir matvælaráðherra íslenskar birkiplöntur við undirritun samningsins.
Auk birkiplantnanna færði Jónatan Garðarsson ráðherra og starfsfólki ráðuneytisins bókina Frændur fagna skógi, sem segir frá skógræktarlegum samskiptum Íslands við Noreg.
Aðalfundur félags skógarskáta Úlfljótsvatni verður haldinn í húsakynnum BÍS, Hraunbæ 123, í Reykjavík þriðjudaginn 21. maí 2024 kl. 20:00
Dagskrá
Fundarsetning, kjör fundarstjóra og fundarritara.
1. Lesin fundargerð síðasta aðalfundar.
2. Skýrsla stjórnar og umræður um hana.
3. Ársreikningar lagðir fram til umræðu og samþykktar.
4. Lagabreytingar.
5. Kosning formanns. Kosning annarra stjórnarmanna; ritara og gjaldkera
6. Kosning varamanna í stjórn eftir nánari ákvörðun fundarins.
7. Kosning skoðunarmanns/endurskoðanda og varamanns hans.
8. Framlagning/drög að rekstrar- og framkvæmdaáætlun fyrir næsta ár.
9. Ákvörðun félagsgjalda.
10. Önnur mál.
• Veitingar að venju í boði félagsins
• Elisabeth Bernard frá Skógræktarfélagi Íslands kemur í heimsókn og segir okkur hvað er að gerast á Úlfljótsvatni.
„Skógarskátar hafa starfað að skógrækt við Úlfljótsvatn allt frá 1987 og lagt þar með vel til „undralands skátanna“. Við höfum ekki komið saman til fundar í mörg ár en trén hafa heldur betur vaxið og við þurfum að halda áfram að vinna á Úlfljótsvatni
Vonumst eftir góðri mætingu.
Skógarkonur stóðu fyrir ráðstefnu á vefnum þann 20. apríl 2024. Ráðstefna var hluti samvinnu innan Nordiske Skogskvinner tengslanetsins og haldin í samstarfi við Skógræktarfélag Íslands.
Skógarkonur (Skovkvinder Island) holdt en digital konference den 20. april 2024. Konferencen var en del af samarbejde inden for Nordiske skogskvinner netværket og i samarbejde med den Islandske Skovforening.
Hér að neðan má finna pdf-skjöl af fyrirlestrum. Nedenfor findes pdf-filer af foredragene. Dagskrá / Program
Að venju verður opið hús í Garðyrkjuskólanum á Reykjum á sumardaginn fyrsta, þann 25. apríl kl. 10-17. Sumarið byrjar í garðskálanum og gróðurhúsunum þar sem gróðurinn blómstrar og fyrsta uppskeran af fersku grænmeti er tilbúin. Grænmetis- og plöntumarkaðurinn verður garðskálanum og í ár verður hægt að kaupa heimaræktað íslenskt kaffi á meðan birgðir endast. Glæsileg túlípanasýning verður einnig í garðskálanum. Verkefni nemenda verða til sýnis og hægt að fræðast um námið í skólanum. Hátíðardagskrá hefst kl. 13 en þá afhendir forseti Íslands, Guðni Th. Jóhannesson, garðyrkjuverðlaun ársins og umhverfisverðlaun Hveragerðisbæjar. Veitingasala verður á svæðinu allan daginn. Verið velkomin í Garðyrkjuskólann að fagna sumarkomunni með garðyrkjunni.
Dagskrá:
Fundarstjóri: Björgvin Örn Eggertsson
13:00 – 13:05 Setning – Guðríður Helgadóttir, staðarhaldari Reykjum
13:05 – 13:25 Garðyrkjuverðlaunin 2024
Forseti Íslands, Guðni Th. Jóhannesson
Hvatningarverðlaun garðyrkjunnar
Verknámsstaður ársins
Heiðursverðlaun garðyrkjunnar
13:25 – 13:30 Tónlistaratriði – Atli Einar Helgason, gítar
13:30 – 13:45 Umhverfisverðlaun Hveragerðisbæjar
Forseti Íslands, Guðni Th. Jóhannesson
13:45 – 13:50 Tónlistaratriði – Alexander Nóri Helgason, hljómborð
13:50 – 14:00 Ávarp – Olga Lísa Garðarsdóttir, skólameistari Fjölbrautaskóla Suðurlands
14:00 Slit – Björgvin Örn Eggertsson, fundarstjóri
The Icelandic Forestry Associatino and Nettó have renewed a cooperation contract for the Opinn skógur (Open Forest) project for the next two years. The contract covers varied support for forestry and cooperation on infrastructure development of forests. Nettó has supported the Open Forests project for years, as it fits well with the company’s environmental strategy.
Today there are seventeen forests across the country under the banner of the Open Forest project, where outdoor recreation facilities, forest trails, signs and information posts have been set up.
“The forests should be easily recognizable to people travelling around the country, but all of them fly blue Nettó flags,“ says Helga Dís Jakobsdóttir, Nettó’s marketing director. „The Forestry Association is pillar in nature and environmental conservation in this country, and we are therefore extremely happy with this collaboration and to be able to continue developing and improving access to forests so that more people can enjoy the Icelandic forests. Now that spring is in the air, we hope that as many people as possible will visit a Nettó forest, but visiting a forest and being together good for your health”.
Jónatan Garðarsson, chairman of the Icelandic Forestry Association, says, „Our collaboration with Nettó is part of ensuring continued work to open forests for public access along main thoroughfares throughout Iceland. We see a great increase in the use of forests, but in recent years the popularity of sports and health events in the country’s forests has increased greatly, and this applies whether they are competitions or events intended for the general public. This has great value for public health and forest culture, which we are proud to uphold.“
More about the collaboration
The main goal of the collaboration is to improve facilities and increase access to forests in the first place and to share education about life, nature, and history so that the public can use the forests for rest stops, outdoor recreation, and health benefits. The contract guarantees the operation of the project for the next two years, in addition to promoting it.
Helga Dís Jakobsdóttir, Nettó’s marketing director and Jónatan Garðarsson, chairman of the Icelandic Forestry Association, sign the contract.
Nettó og Skógræktarfélag Íslands hafa endurnýjað samstarfssamning um verkefnið Opinn skógur til næstu tveggja ára. Samningurinn lýtur að margvíslegum stuðningi við skógrækt og samvinnu vegna uppbyggingar á skógræktarsvæðum. Nettó hefur verið stuðningsaðili að Opnum skógum um árabil enda fellur verkefnið vel að umhverfisstefnu fyrirtækisins.
Í dag má finna sautján skógarsvæði víðs vegar um landið undir merkjum Opins skógar. Komið hefur verið upp útivistaraðstöðu, skógarstígum, merkingum og leiðbeiningum á svæðunum.
„Skógarnir ættu að vera auðþekkjanlegir landsmönnum á ferð þeirra um landið en við þá alla blakta bláir Nettófánar,“ segir Helga Dís Jakobsdóttir, markaðstjóri Nettó. „Skógræktarfélagið er mikilvæg stoð í náttúru- og umhverfisvernd hér á landi og erum við því gríðarlega ánægð með þetta samstarf og að geta haldið áfram að þróa og bæta aðgengi að skógarsvæðum svo fleiri geta notið þeirra miklu gæða sem felast í íslenskum skógum. Nú þegar vor er í lofti vonum við að sem flestir landsmenn geri sér ferð í Nettó skóga en skógardvöl og samvera er frábær heilsubót.“
Jónatan Garðarsson, formaður Skógræktarfélags Íslands, segir „Samstarf okkar við Nettó er liður í því að tryggja áframhaldandi vinnu við að opna skógræktarsvæði við alfaraleiðir um allt Ísland. Við sjáum mikla aukningu í notkun skóga, en undanfarin ár hafa vinsældir íþrótta- og heilsuviðburða í skógum landsins aukist mikið og gildir þá einu hvort um er að ræða keppnir eða viðburði ætlaða almenningi. Slíkt hefur mikið gildi fyrir lýðheilsu og skógarmenningu sem við erum stolt að halda uppi.“
Nánar um samstarfið
Meginmarkmið samstarfsins er að bæta aðstöðu og auka aðgengi að opnum skógræktarsvæðum í alfaraleið og miðla fræðslu um lífríki, náttúru og sögu svo almenningur geti nýtt sér skógana til áningar, útivistar og heilsubótar. Með samningnum er rekstur verkefnisins tryggður næstu tvö árin auk þess sem unnið verður að kynningu á því.
Helga Dís Jakobsdóttir, markaðsstjóri Nettó og Jónatan Garðarsson, formaður Skógræktarfélags Íslands, við undirritun samningsins.
Vigdís Finnbogadóttir fagnar 94 ára afmæli sínu í dag. Skógræktarfélag Íslands óskar henni hjartanlega til hamingju með afmælið!
Vigdís hefur verið ötull talsmaður skógræktar, landgræðslu og umhverfismála hérlendis, bæði í forsetatíð hennar og síðar. Hún var gerður heiðursfélagi Skógræktarfélags Íslands árið 1984 fyrir framlag sitt til skógræktar og hefur verið tíður gestur á viðburðum félagsins í gegnum árin, ávallt tilbúin til þeirra verka sem félagið hefur óskað eftir.
Þess má til gamans geta að Vigdís deilir afmælisári með Skógræktarfélagi Íslands, en það var stofnað árið 1930.
The Rangæingar Forestry Association will hold its annual general meeting on Tuesday, April 9th at 19:00 at the Hella Congregation Hall, Dynskálar 8.
In addition to regular meeting activities Kjartan Benediktsson will give a presentation on legumes.
Refreshments on offer. Everybody welcome.
Nýlegar athugasemdir