Skip to main content
All Posts By

ragnhildur

Arion banki og Stefnir styrkja Yrkju – sjóð æskunnar til ræktunar landsins

Með Fréttir

Arion banki og Stefnir styrktu nýverið Yrkju – sjóð æskunnar til ræktunar landsins um samtals fjórar milljónir króna. Styrkurinn verður nýttur til kaupa og dreifingar á trjáplöntum sem úthlutað verður til grunnskólabarna um land allt og munu þau sjá um að planta trjánum.

Yrkjusjóður var stofnaður 1990 fyrir tilstilli Vigdísar Finnbogadóttur sem er verndari sjóðsins. Á hverju ári síðustu 30 ár hafa um 10 þúsund nemendur um land allt plantað trjáplöntum fyrir tilstilli sjóðsins og er markmiðið að svo verði einnig í ár.

Meðfylgjandi mynd var tekin við undirritun samstarfssamningsins. Á myndinni eru Jónatan Garðarsson, stjórnarformaður Skógræktarfélags Íslands, Andri Snær Magnason, stjórnarformaður Yrkjusjóðs, Benedikt Gíslason, bankastjóri Arion banka, Hlédís Sigurðardóttir, sjálfbærnistjóri Arion banka, og Dýri Kristjánsson, sjóðstjóri Stefnis – grænavals.

Mosfellsbær Forestry Association Annual General Meeting

Með News

The Mosfellsbær Forestry Association will hold its annual general meeting on Wednesday April 26th, at 20:00 at the hall of Björgunarsveitin Kyndill at Völuteigur 23.

Programme:

  1. Election of chair and secretary of the meeting
  2. Board report 2022
  3. Associations account 2022
  4. Membership fee for 2023
  5. Board and auditor elections
  6. Other items

The meeting will conclude by a presentation by Auður Kjartansdóttir, manager of the Reykjavík Forestry Association, on land roughness, i.e. surface roughness and its connection to forestry.

Refreshments on offer

Aðalfundur Skógræktarfélags Mosfellsbæjar 2023

Með Fréttir

Aðalfundur Skógræktarfélag Mosfellsbæjar 2023 verður haldinn miðvikudaginn 26. apríl kl. 20:00 í sal Björgunarsveitarinnar Kyndils í Mosfellsbæ, Völuteigi 23.

Dagskrá:
1. Kosning fundarstjóra og fundarritara
2. Skýrsla stjórnar 2022
3. Reikningar félagsins 2022
4. Ákvörðun um félagsgjöld 2023
5. Kosning stjórnar og endurskoðenda
6. Önnur mál

Að loknum hefðbundnum aðalfundarstörfum mun Auður Kjartansdóttir, framkvæmdastjóri Skógræktarfélags Reykjavíkur, fjalla um hrýfi út frá ýmsum hliðum. Með hrýfi er átt við hrjúfleika lands og ástæður þess að allir ættu að hrífast með skógrækt.

Boðið verður upp á veitingar að aðalfundi loknum.

Children’s Culture Festival – Let’s sow!

Með News

Kids and their families are invited to come to the Reykjavík Botanic Garden for the Children’s Culture Festival. On Tuesday, April 18th between 17:00-18:00 kids can come to our display greenhouse and learn how to sow summer flowers and edibles and how to prick out seedlings. The kids and families can take the plants home after the workshop.
Entry is free and all are welcome to join!

Barnamenningarhátíð í Grasagarðinum: Hæ litla fræ!

Með Fréttir

Grasagarður Reykjavíkur býður fjölskyldum í plöntusmiðju á barnamenningarhátíð!
Þriðjudaginn 18. apríl kl. 17-18 býðst börnum og fjölskyldum þeirra að koma í garðskála Grasagarðsins og læra að sá fyrir sumarblómum og matjurtum. Þá læra krakkarnir (og fullorðnir líka) að dreifplanta eða prikla smáplöntum. Þátttakendur fá svo að taka plönturnar sínar með heim í lok viðburðar.
Þátttaka er ókeypis og öll velkomin!

Áhugaverð námskeið hjá Garðyrkjuskólanum – Fsu

Með Fréttir

Tvö áhugaverð námskeið fyrir skógræktarfólk eru fyrirhuguð hjá Garðyrkjuskólanum nú í maí. Annars vegar er um að ræða námskeið þann 4. maí um áhættumat trjáa, en með hlýnandi veðri og hækkandi trjágróðri í þéttbýli er orðið mikilvægt að geta lagt mat á ástand trjáa og möguleg hættumerki. Þetta dagsnámskeið hentar öllum þeim sem vinna við trjáklippingar, ráðgjöf, framkvæmdir í og við græn svæði og önnur störf tengd umhirðu trjágróðurs.

Hins vegar er í boð námskeið í trjáfellingum og grisjun með keðjusög og er það haldið í Hveragerði. Námskeiðið er öllum opið og hentar bæði byrjendum og þeim sem hafa notað keðjusagir, en vilja bæta við sig. Námskeiðið fer fram dagana 4.-6. maí.

Nánari upplýsingar um námskeiðin og skráningu má finna á heimasíðu Garðyrkjuskólans: https://www.fsu.is/is/namid/gardyrkjuskolinn-reykjum/gardyrkjuskolinn-namskeid

Tilnefning til Garðyrkjuverðlauna 2023

Með Fréttir

Garðyrkjuverðlaunin verða veitt samkvæmt venju á sumardaginn fyrsta þann  20. apríl nk. við hátíðlega athöfn á opnu húsi í Garðyrkjuskóla FSu á Reykjum. Með verðlaunaveitingunni vill  Garðyrkjuskólinn – Fjölbrautaskóli Suðurlands heiðra þá sem staðið hafa sig vel í að vinna að framgangi garðyrkjunnar á ýmsum sviðum hennar. Sú hefð hefur skapast að afhenda verðlaun í þremur flokkum en fleiri en einn geta fengið verðlaun í hverjum flokki, það er í höndum dómnefndar í hvert skipti að ákveða það.

Dómnefndina skipa eftirtaldir starfsmenn skólans: Björgvin Örn Eggertsson, brautarstjóri skóga og náttúru, Guðríður Helgadóttir, fagstjóri garðyrkjunáms og Guðrún Þórðardóttir, bókasafnsfræðingur.

Það er metnaður skólans að sem flestir komi að því að velja þá aðila sem heiðraðir eru hverju sinni. Óskað er eftir tilnefningum frá öllum þeim sem láta sig málið varða í þessa þrjá flokka. Hverri tilnefningu þarf að fylgja örstutt röksemdafærsla fyrir því af hverju viðkomandi á verðlaun skilið.

Verðlaunaflokkarnir eru eftirfarandi:

  1. Heiðursverðlaun garðyrkjunnar.  Hér er óskað eftir tilnefningum um einstaklinga sem skarað hafa fram úr á sviði garðyrkjunnar að mati atvinnulífsins og skólans.
  2. Verknámsstaður ársins.  Hér er óskað eftir að tilnefndur verði verknámsstaður ársins 2023, staður sem hefur staðið sig sérlega vel við að leiðbeina nemendum skólans í verknámi.
  3. Hvatningarverðlaun garðyrkjunnar. Hér er óskað eftir að tilnefndir verði aðilar sem  eru að vinna að athyglisverðum og framsæknum nýjungum í greininni og eiga skilið að fá hvatningu til að halda áfram á sömu braut.

Tilnefningar þurfa að berast skólanum í síðasta lagi mánudaginn 3. apríl 2023 á netfangið  boe@fsu.is

Fræðslu- og aðalfundur Skógræktarfélags Önundarfjarðar

Með Fréttir

Skógræktarfélag Íslands ásamt Skógræktarfélagi Önundarfjarðar boða til fræðslu- og aðalfundur fimmtudaginn 30. mars kl. 20:00, á Bryggjukaffi, Flateyri.

Allir eru velkomnir.

Dagskrá
20:00 Setning fundarins
Brynjólfur Jónsson, framkvæmdastjóri Skógræktarfélags Íslands (SÍ)
20:10–20:30 Hefðbundin aðalfundarstörf
Sigríður Júlía Brynleifsdóttir

20:30–21:00 Á meðal trjánna – hugleiðingar um útivistarskóga
Jón Ásgeir Jónsson, skógfræðingur SÍ

21:00 Kaffihlé

21:20–22:00 Mikilvægi skógræktarfélaga, samningar, Yrkjusjóðurinn o.fl.
Þórveig Jóhannsdóttir, skógfræðingur SÍ
Elisabeth Bernard, mannfræðingur SÍ
Ragnhildur Freysteinsdóttir, umhverfisfræðingur SÍ

Fyrirspurnir og umræður